ചെന്നൈ: ബംഗാള് ഉള്ക്കടലില് രൂപംകൊണ്ട ന്യൂനമര്ദം ഫെഞ്ചല് ചുഴലിക്കാറ്റായി മാറി കരതൊട്ടതോടെ തമിഴ്നാട്ടിലെ വിവിധ ജില്ലകളില് മഴ കനത്തു. ശനിയാഴ്ച
വൈകുന്നേരത്തോടെ പുതുച്ചേരിക്കടുത്ത് കരതൊട്ട ഫെഞ്ചലിന് മണിക്കൂറില് 90 കി.മി വേഗതയുണ്ടാവുമെന്ന കാലാവസ്ഥാ നിരീക്ഷണ കേന്ദ്രം മുന്നറിയിപ്പിൽ സംസ്ഥാനത്ത് അതീവ ജാഗ്രതാ നിർദ്ദേശമാണുള്ളത്.
കാറ്റിന്റെ വേഗത വരുന്ന മൂന്ന് മണിക്കൂറിനുള്ളില് വര്ദ്ധിക്കാൻ സാദ്ധ്യതയുള്ളതിനാൽ ചൈന്നൈ വിമാനത്താവളം അടച്ചു. ഞായറാഴ്ച രാവിലെ നാല് മണിവരെയാണ് അടച്ചിടാൻ തീരുംനിച്ചത്. ട്രെയിന് സര്വ്വീസുകളെയും ചുഴലിക്കാറ്റ് ബാധിച്ചിട്ടുണ്ട്.
ചുഴലിക്കാറ്റിന്റെ മുന്നോടിയായി ചൈന്നൈ, തിരുവള്ളൂര്, കാഞ്ചീപുരം, കള്ളക്കുറിച്ചി, കൂടലൂര് ജില്ലകളില് ശക്തമായ മഴയാണ്. ചെന്നൈയില് പല റോഡുകളും വെള്ളത്തിനടിയിലായി. ഇതില്ത്തന്നെ റാണിപേട്ട്, തിരുവണ്ണാമലൈ, വെല്ലൂര്, പെരമ്പലൂര്, അരിയല്ലൂര്, തഞ്ചാവൂര്, തിരുവാരൂര്, മയിലാടുതുറെ, നാഗപട്ടണം എന്നിവിടങ്ങളില് ഒറ്റപ്പെട്ട.അതിശക്തമായ മഴ മുന്നറിയിപ്പുമുണ്ട്. .
മുന്നറിയിപ്പിന്റെ അടിസ്ഥാനത്തിൽ ഒന്പതുജില്ലകളിലായി ജനങ്ങളെ മാറ്റിത്താമസിപ്പിക്കാനായി 2229 ദുരിതാശ്വാസകേന്ദ്രങ്ങള് തയ്യാറാക്കിയതായി റവന്യുമന്ത്രി കെ.കെ.എസ്.ആര്. രാമചന്ദ്രന് അറിയിച്ചു. നാഗപട്ടണം, മൈലാടുതുറൈ, തിരുവാരൂര്, തഞ്ചാവൂര്, കടലൂര്, ചെന്നൈ, ചെങ്കല്പ്പെട്ട്, തിരുവള്ളൂര്, കാഞ്ചീപുരം എന്നീ ജില്ലകളിൽ ദുരിതാശ്വാസകേന്ദ്രങ്ങൾ സജ്ജം.
നിലവില് തിരുവാരൂര്, നാഗപട്ടണം എന്നീ ജില്ലകളിലെ ആറുകേന്ദ്രങ്ങളിൽ 164 കുടുംബങ്ങളിലെ 471 പേര് കഴിയുന്നുണ്ട്. ചുഴലിക്കാറ്റുവീശാന് സാദ്ധ്യതയുള്ള
ജില്ലകളിലെ രക്ഷാപ്രവര്ത്തനത്തിന് ദേശീയ, സംസ്ഥാന ദുരന്തനിവാരണസേനകളേയും തയ്യാറാക്കിയിട്ടുണ്ട്. ശനിയാഴ്ച ചുഴലിക്കാറ്റും മഴയുമുണ്ടാകുമെന്ന അറിയിപ്പിന്റെ അടിസ്ഥാനത്തില് വെള്ളക്കെട്ടില് അകപ്പെടുന്നവരെ രക്ഷിക്കാന് 806 ബോട്ടുകളും മണ്ണിടിച്ചലുണ്ടായാല് മണ്ണ് നീക്കംചെയ്യാന് 1193 ജെസിബികളും വൈദ്യുത വിതരണത്തിനായി 977 ജനറേറ്ററുകളും വിവിധജില്ലകളിലായി ഒരുക്കിയിട്ടുണ്ട്.
