തിരുവനന്തപുരം : മുന് എംഎല്എയും സിനിമാ സംവിധായകനുമായ പി.ടി കുഞ്ഞുമുഹമ്മദിനെതിരായ കേസിൽ പരാതിക്കാരിയുടെ രഹസ്യ മൊഴി രേഖപ്പെടുത്താനായി പോലീസ. അതിനായി ഇന്ന് അപേക്ഷ നൽകുമെന്നറിയുന്നു. ഐഎഫ്എഫ്കെയിലേക്കുള്ള സിനിമ സെലക്ഷൻ നടപടികൾക്കിടെ സംവിധായകൻ അപമര്യാദയായി പെരുമാറിയെന്നതായിരുന്നു പരാതി. മുഖ്യമന്ത്രിക്കാണ് ചലച്ചിത്ര പ്രവര്ത്തക പരാതി നല്കിയത്. മുഖ്യമന്ത്രി പരാതി കന്റോണ്മെന്റ് സ്റ്റേഷന് കൈമാറി. സ്ത്രീത്വത്തെ അപമാനിച്ചെന്ന പരാതിയിൽ പോലീസ് അന്വേഷണത്തിൻ്റെ ഭാഗമായാണ് ഇപ്പോൾ പരാതിക്കാരിയുടെ രഹസ്യ മൊഴി രേഖപ്പെടുത്തുന്നത്
ഡിസംബർ 12 -ന് ആരംഭിക്കുന്ന രാജ്യാന്തര ചലച്ചിത്ര മേളയിയിലേക്കുള്ള മലയാളം ചിത്രങ്ങളുടെ തെരഞ്ഞെടുപ്പിനിടെ കഴിഞ്ഞ മാസം ആദ്യവാരമാണ് പരാതിക്ക് ആസ്പദമായ സംഭവം നടന്നത്. തലസ്ഥാനത്തെ ഒരു ഹോട്ടലിലാണ് ജൂറി അംഗങ്ങൾക്ക് താമസസൗകര്യം ഒരുക്കിയിരുന്നത്. സ്ക്രീനിംഗിന് ശേഷം ഹോട്ടലിൽ തിരിച്ചെത്തിയ സമയത്ത് മുറിയിൽ വെച്ച് സംവിധായകൻ അപമര്യാദയായി പെരുമാറുകയായിരുന്നു എന്നാണ് പരാതി. വിഷയത്തിൽ ചലച്ചിത്രപ്രവർത്തകയോട് വിവരം തേടിയ കന്റോണ്മെന്റ് പോലീസിനോടും ചലച്ചിത്രപ്രവർത്തക പരാതി ആവർത്തിച്ചിരുന്നു. ഹോട്ടലിൽ നിന്ന് പോലീസ് സിസിടിവി ദൃശ്യങ്ങൾ ശേഖരിച്ചിട്ടുണ്ട്.
