തൃശൂർ : തൃശൂരിൽ വനിതാ പ്രവർത്തകയ്ക്ക് നേരെ ലൈംഗികാതിക്രമം നടത്തിയെന്ന പരാതിയിൽ കോൺഗ്രസ് നേതാവിനെതിരെ കേസെടുത്ത് പോലീസ്. കോൺഗ്രസ് പുതുക്കാട് ബ്ലോക്ക് ജനറൽ സെക്രട്ടറി സി എച്ച് സാദത്തിനെതിരെയാണ് കേസ്. കടം വാങ്ങിയ പണം തിരികെ കൊടുക്കാൻ ചെന്നപ്പോൾ ലൈംഗികാതിക്രമം നടത്തിയെന്നാണ് പരാതി. തൃശൂർ റൂറൽ എസ്പിക്കാണ് പരാതി നൽകിയത്.
സാദത്തിനെ അറസ്റ്റ് ചെയ്യാനായിട്ടില്ല. സംഭവത്തിൽ കേസെടുത്തത്തോടെ സാദത്ത് ഒളിവിൽ പോയതായി പോലീസ് പറഞ്ഞു. സാദത്തിനെ പാർട്ടി നേതൃത്വത്തിൽ നിന്നും പുറത്താക്കിയതായി കോൺഗ്രസ് അറിയിച്ചു.
