ന്യൂഡൽഹി: നവകേരള നിർമ്മിതിക്കായി പുതിയ വികസന പ്രവർത്തനങ്ങൾ ആസൂത്രണം ചെയ്യുന്നതിൻ്റെ ഭാഗമായി മുഖ്യമന്ത്രി പിണറായി വിജയൻ കേന്ദ്ര മന്ത്രിമാരുമായി കൂടിക്കാഴ്ച നടത്തും. ഉച്ചയ്ക്ക് 12:30ന് കേന്ദ്ര റെയിൽവെ മന്ത്രി അശ്വിനി വൈഷ്ണവുമായി നടത്തുന്ന കൂടിക്കാഴ്ചയിൽ സിൽവർ ലൈൻ പദ്ധതിയും റെയിൽവെ വികസനവും ചർച്ചാവിഷയമായേക്കും.
കേന്ദ്രാനുമതി ലഭിച്ചാല്‍ മാത്രമെ സില്‍വര്‍ ലൈന്‍ പദ്ധതി പ്രാവർത്തികമാക്കാനാവുള്ളൂ എന്നത് കൊണ്ടുതന്നെ മെട്രോമാന്‍ ഇ. ശ്രീധരന്റെ ബദല്‍ പദ്ധതി മുന്നോട്ടുവെച്ച് ചര്‍ച്ച നടത്താനായിരിക്കും കേരളത്തിൻ്റെ ഇനിയുള്ള ശ്രമം. ദേശീയപാത തകര്‍ന്ന വിഷയത്തില്‍ നിതിന്‍ ഗഡ്കരിയുമായി മുഖ്യമന്ത്രി ബുധനാഴ്ച കൂടിക്കാഴ്ച നടത്തും.
