തൃശൂർ : മറ്റത്തൂരിൽ വീണ്ടും കോൺഗ്രസ് വൈസ് പ്രസിഡന്റ്. ബിജെപി പിന്തുണയോടെയാണ് ഇന്ന് നടന്ന വൈസ് പ്രസിഡന്റ് തെരഞ്ഞെടുപ്പിൽ കോൺഗ്രസ് അംഗമായ മിനി ടീച്ചർ തെരഞ്ഞെടുക്കപ്പെട്ടത്.
മുൻ വൈസ് പ്രസിഡന്റ് നൂർജഹാൻ രാജിവെച്ച സാഹചര്യത്തിലാണ് മറ്റത്തൂരിൽ വീണ്ടും തെരഞ്ഞെടുപ്പ് വേണ്ടി വന്നത്. വോട്ടെടുപ്പിൽ നാല് ബിജെപി അംഗങ്ങൾ മിനി ടീച്ചറെ പിന്തുണച്ചു. 11 വോട്ടുകളുമായി LDFഉം UDFഉം തുല്യത പാലിച്ചതോടെ ടോസിലൂടെയാണ് മിനി ടീച്ചർ വിജയിയായി പ്രഖ്യാപിച്ചത്.
രണ്ട് കോൺഗ്രസ് അംഗങ്ങൾ തെരഞ്ഞെടുപ്പിൽ നിന്ന് വിട്ട് നിന്നപ്പോൾ നാല് ബിജെപി അംഗങ്ങൾ കോൺഗ്രസിനെ പിന്തുണയ്ക്കുകയായിരുന്നു
പാർട്ടി എന്ത് തീരുമാനം എടുത്താലും അതിനൊപ്പം നിൽക്കുമെന്ന് വൈസ് പ്രസിഡന്റ് മിനി ടീച്ചർ പറഞ്ഞു. നേരത്തെ ബിജെപി പിന്തുണയിൽ കോൺഗ്രസ് പ്രതിനിധികൾ ഭരണ സമിതിയിലേക്ക് വിജയിച്ചത് വൻ വിവാദമായിരുന്നു. ഇതിന് പിന്നാലെ കെപിസിസി നേതൃത്വം ഇടപെട്ടാണ് വൈസ് പ്രസിഡൻ്റ് ആയി തെരഞ്ഞെടുക്കപ്പെട്ട നൂർജഹാൻ നവാസിനെ രാജി വെപ്പിച്ചത്.
