തിരുവനന്തപുരം: കേരള സർവ്വകലാശാല രജിസ്ട്രാർ ഇൻ ചാർജ് സ്ഥാനത്തുനിന്ന് മിനി ഡിജോ കാപ്പനെ മാറ്റി. സിൻഡിക്കേറ്റ്. ഇടത് അംഗങ്ങളുടെ ആവശ്യം താൽലിക വൈസ് ചാൻസലർ മോഹനൻ കുന്നുമ്മൽ അംഗീകരിച്ചു. ഡോ. ആർ രശ്മിയ്ക്കാണ് പകരം ചുമതല. കാര്യവട്ടം ക്യാംപസിലെ ജോയിന്റ് രജിസ്ട്രാറാണ് ഡോ. രശ്മി.
രജിസ്ട്രാർ ഡോ. കെ എസ് അനിൽകുമാറിന് പകരം മിനി ഡിജോ കാപ്പനെ രജിസ്ട്രാറായി നിയമിച്ചത് താൽക്കാലിക വി സിയാണ്. കേരള സർവ്വകലാശാല സെനറ്റ് ഹാളിലെ ആർഎസ്എസ് പരിപാടിയിലെ കാവിക്കൊടി പിടിച്ച ഭാരതാംബയുടെ ചിത്രം മാറ്റണമെന്ന് ആവശ്യപ്പെടുകയും നിബന്ധന ലംഘിച്ചതിനാൽ പരിപാടി റദ്ദാക്കുമെന്ന് അറിയിക്കുകയും ചെയ്തതിനാണ് രാജ്ഭവന്റെ നിർദ്ദേശത്തിൽ വൈസ് ചാൻസലർ മോഹൻ കുന്നുമ്മൽ കെ എസ് അനിൽകുമാറിനെ സസ്പെൻഡ് ചെയ്തത്.
