ടെൽ അവീവ് : ഇറാനിൽഇസ്രായേൽ സൈനിക ആക്രമണങ്ങൾ തുടരുന്നതിനിടെ ഇറാൻ ഭരണകൂടത്തെ അട്ടിമറിക്കാൻ ആഹ്വാനം ചെയ്ത് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. രാജ്യത്തെ ഭരണകൂടത്തിനെതിരെ തെരുവിലിറങ്ങി ബഹുജന പ്രതിഷേധങ്ങൾ ഉയർത്തുവാനാണ് നെതന്യാഹു ഇറാനിയൻ പൗരന്മാരോട് നേരിട്ട് അഭ്യർത്ഥിച്ചത്. ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ മരണത്തിന് കാരണമായ ആക്രമണങ്ങൾക്ക് ശേഷം പുറത്തിറക്കിയ വീഡിയോ സന്ദേശത്തിലാണ് ഇറാൻ ജനതയോടുള്ള നെതന്യാഹുവിൻ്റെ ആഹ്വാനം.
വരും ദിവസങ്ങളിൽ “തീവ്രവാദ ഭരണകൂടത്തിന്റെ” ആയിരക്കണക്കിന് കേന്ദ്രങ്ങൾ ആക്രമിക്കുമെന്നുള്ള മുന്നറിയിപ്പും ഇതോടൊപ്പം നെതന്യാഹു നൽകുന്നുണ്ട്. “ഇറാനിലെ ധീരരായ ജനങ്ങളെ സ്വേച്ഛാധിപത്യത്തിന്റെ ചങ്ങലകളിൽ നിന്ന് സ്വയം മോചിപ്പിക്കാൻ” പ്രാപ്തരാക്കുക എന്നതാണ് ഈ ഓപ്പറേഷൻ ലക്ഷ്യമിടുന്നതെന്ന് നെതന്യാഹു കൂട്ടിച്ചേർത്തു.
ഒരിക്കൽ മാത്രം ലഭിക്കുന്ന അവസരമാണിതെന്ന്
ഇറാനിയൻ പൗരന്മാരെ ഓർമ്മപ്പെടുത്തുന്ന നെതന്യാഹു,
പേർഷ്യക്കാർ, കുർദുകൾ, അസർബൈജാനികൾ, അഹ്വാസികൾ, ബലൂചികൾ എന്നിവരുൾപ്പെടെ ഒന്നിലധികം വംശീയ സമൂഹങ്ങളെ അഭിസംബോധന ചെയ്തുകൊണ്ട്, ഇറാന്റെ ഭാവി സുരക്ഷിതമാക്കുന്നതിനുള്ള ഒരു കൂട്ടായ ശ്രമത്തിൽ പങ്കുചേരാൻ അഭ്യർത്ഥിച്ചു. ഭരണകൂട എതിരാളികൾ വളരെക്കാലമായി ആഗ്രഹിച്ചിരുന്ന ബാഹ്യ പിന്തുണ ഇപ്പോൾ എത്തിയിരിക്കുന്നുവെന്ന് അദ്ദേഹം അവകാശപ്പെട്ടു,
