ശബരിമല : തിരുവുത്സവത്തിനും മേട വിഷു പൂജകൾക്കുമായി ശബരിമല നട നാളെ തുറക്കും. വൈകിട്ട് നാല് മണിക്ക് ശബരിമല തന്ത്രി കണ്ഠരര് രാജീവരുടെ സാന്നിദ്ധ്യത്തിൽ മേൽശാന്തി അരുൺ കുമാർ നമ്പൂതിരി നടതുറക്കും. തുടർച്ചയായി 18 ദിവസം ഭക്തർക്ക് ദർശനത്തിനുള്ള അവസരം ഉണ്ടാകും. ഏപ്രിൽ രണ്ടിന് രാവിലെ 9.45നും 10 .45 നും മദ്ധ്യേ തന്ത്രി കണ്ഠരര് രാജീവരുടെ കാർമ്മികത്വത്തിൽ ഉത്സവത്തിന് കൊടിയേറും.
ഏപ്രിൽ 11ന് പമ്പാ നദിയിൽ ആറാട്ട് നടക്കും. ഏപ്രിൽ 14 വിഷു ദിനത്തിൽ രാവിലെ നാലു മണി മുതൽ ഏഴുമണിവരെയാണ് വിഷുക്കണി ദർശനം.
വിഷുദിനത്തിൽ രാവിലെ ഏഴു മുതൽ അഭിഷേകം നടക്കും.
പൂജകൾ പൂർത്തിയാക്കി ഏപ്രിൽ 18ന് രാത്രി 10 മണിക്കാണ് നട അടയ്ക്കുന്നത്
