(ഫോട്ടോ : പ്രതീകാത്മക ചിത്രം)
കാസർഗോഡ് : ഷവർമ കഴിച്ചതിനു പിന്നാലെ അസ്വസ്ഥതയും ഛർദ്ദിയുണ്ടായ പതിനഞ്ചോളം വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. കാഞ്ഞങ്ങാട് പൂച്ചക്കാട് പള്ളിയിൽ നബിദിനാഘോഷം കാണാനെത്തിയ കുട്ടികൾ സമീപത്തെ ബോംബെ ഹോട്ടലിൽ നിന്നാണ് ഷവർമ കഴിച്ചത്. തുടർന്ന് ഇന്നലെ വൈകിട്ട് അസ്വസ്ഥത തോന്നിയതോടെ ഇവരെ ആശുപത്രിയിൽ പ്രവേശിപ്പിക്കുകയായിരുന്നു.
പൂച്ചക്കാട് സ്വദേശികളായ റിഫാ ഫാത്തിമ (16), ഫാത്തിമത്ത് സാക്കിയ (13), നഫീസ മെഹ്സ (13), നഫീസത്ത് സുൽഫ (13) എന്നിവരെ ആശുപത്രിയിൽ അഡ്മിറ്റ് ചെയ്തു. ഇവർ നിരീക്ഷണത്തിലാണ്. മറ്റു കുട്ടികളെ പ്രാഥമിക ചികിത്സക്ക് ശേഷം രാത്രി തന്നെ വീട്ടിലേക്കയച്ചു. ദിവസങ്ങൾ പഴക്കമുള്ള ഷവർമയാണ് കുട്ടികൾ കഴിച്ചെതെന്നാണ് പരാതി.
