തിരുവനന്തപുരം : വയനാട് ഉരുൾപൊട്ടൽ ദുരന്തത്തിനിരയായവരുടെ പുനരധിവാസം ചർച്ച ചെയ്യാൻ പ്രത്യേക മന്ത്രിസഭാ യോഗം ഇന്ന് ചേരും. വൈകിട്ട് മൂന്ന് മണിക്ക് ഓണ്ലൈന് ആയിട്ടാണ് യോഗം. രണ്ട് ഘട്ടമായി നടത്താൻ തീരുമാനിച്ച പുനരധിവാസ പദ്ധതിയുടെ ടൗൺഷിപ്പ് നിർമ്മാണം എങ്ങനെ വേണം എന്നതിലും ആരെ ഏല്പിക്കുമെന്നതിലുമായിരിക്കും പ്രധാന ചര്ച്ച. ഉറ്റവരും വീടും സ്ഥലവും നഷ്ടമായവര്ക്കായിരിക്കും ആദ്യ പരിഗണന. വീടുകൾ നിർമ്മിക്കാൻ സന്നദ്ധത അറിയിച്ചവരുമായി സർക്കാർ അടുത്ത ദിവസം ചർച്ച നടത്തും. ചര്ച്ചകള്ക്ക് ചീഫ് സെക്രട്ടറിയെ ചുമതലപ്പെടുത്തിയിട്ടുണ്ട്
ഇതോടൊപ്പം തന്നെ പുനരധിവാസത്തിനായി തയ്യാറാക്കിയ കരട് പട്ടികയെ ചൊല്ലിയുള്ള വിവാദത്തിലും മുഖ്യമന്ത്രി വിശദീകരണം തേടും. 388 കുടുംബങ്ങളുള്ള പട്ടിക പുറത്തിറങ്ങിയതോടെ വിവാദവും തുടങ്ങി. മാനന്തവാടി സബ് കളക്ടറുടെ നേതൃത്വത്തിൽ തയ്യാറാക്കിയ പട്ടികയിൽ അടിമുടി പിഴവാണെന്ന് ദുരന്തബാധിതർ തന്നെ പറയുന്നത്.
