കരൂർ : കരൂരില് സംഭവിച്ചത് വിവരിക്കാനാവാത്ത ദുരന്തമെന്ന് മുഖ്യമന്ത്രി എം.കെ സ്റ്റാലിന്. ദുരന്തത്തില് 13 പുരുഷന്മാരും 17 സ്ത്രീകളും ഒമ്പതുകുട്ടികളുമുള്പ്പെടെ 39 പേര് മരണപ്പെട്ടതായി അദ്ദേഹം അറിയിച്ചു. രാഷ്ട്രീയപ്പാര്ട്ടികളുടെ യോഗത്തിനിടയില് പാടില്ലാത്ത ദുരന്തമാണ് നടന്നതെന്നും സ്റ്റാലിന് പറഞ്ഞു. ദുരന്തത്തെക്കുറിച്ച് അന്വേഷിക്കാന് ജസ്റ്റിസ് അരുണാജഗദീശന് മേധാവിയായിട്ടുള്ള ജുഡീഷ്യല് അന്വേഷണത്തിന് ഉത്തരവിട്ടതായും അദ്ദേഹം പറഞ്ഞു. അന്വേഷണത്തിനുശേഷം ഉചിതമായ നടപടി കൈക്കൊള്ളുമെന്നും അദ്ദേഹം മാധ്യമങ്ങളോട് പറഞ്ഞു. അപകടത്തില് മരണപ്പെട്ടവരുടെ കുടുംബത്തിന് പത്ത് ലക്ഷം രൂപ വീതം സഹായധനം പ്രഖ്യാപിച്ചു.
മരണപ്പെട്ടവര്ക്ക് മുഖ്യമന്ത്രി എം.കെ സ്റ്റാലിന് നേരിട്ടെത്തി ആദരാഞ്ജലികള് അര്പ്പിച്ചു. കലൂര് മെഡിക്കല് കോളേജ് മോര്ച്ചറിയില് എത്തിയാണ് സ്റ്റാലിന് മൃതദേഹങ്ങള്ക്ക് ആദരമര്പ്പിച്ചത്.
കരൂര് മെഡിക്കല് കോളേജില് ഞായറാഴ്ച പുലര്ച്ചെ മൂന്നുമണിയോടെയാണ് തമിഴ്നാട് മുഖ്യമന്ത്രി എം.കെ സ്റ്റാലിൻ എത്തിയത്. ദുരന്തത്തില് മരണപ്പെട്ടവര്ക്ക് ആദരാഞ്ജലികള് അര്പ്പിച്ചശേഷം അദ്ദേഹം കുടുംബാംഗങ്ങളോടും ജനപ്രതിനിധികളോടും സ്ഥിതിവിവരങ്ങള് അന്വേഷിച്ചു. പരിക്കേറ്റ് ചികിത്സയിലുള്ളവരെ അദ്ദേഹം സന്ദര്ശിച്ചു. ചികിത്സയിലുള്ളവരുടെ സ്ഥിതിവിവരങ്ങള് ആശുപത്രി വൃത്തങ്ങളുമായി അന്വേഷിച്ചറിയും. ആയിരത്തോളം പേര്ക്ക് പരിക്കുണ്ടെന്നാണ് ആശുപത്രിവൃത്തങ്ങള് പറയുന്നത്.
