തിരുവനന്തപുരം : ശബരിമലയിലെ യുവതി പ്രവേശന വിഷയത്തില് നിലപാട് തിരുത്താൻ തിരുവിതാംകൂർ ദേവസ്വം ബോർഡ്. ശബരിമലയിൽ ആചാരം സംരക്ഷിക്കണമെന്ന ദേവസ്വം ബോർഡിന്റെ നിലപാടിനനുസരിച്ച് 2019- ൽ ബോർഡ് സുപ്രീംകോടതിയിൽ നൽകിയ സത്യവാങ്മൂലത്തിലും മാറ്റം വരുത്തും. ദേവസ്വം ബോര്ഡ് വിശ്വാസികള്ക്കൊപ്പമാണെന്ന് പ്രസിഡന്റ് കെ ജയകുമാര് മാധ്യമങ്ങളോട് പ്രതികരിച്ചു.
ശബരിമലയിലെ യുവതി പ്രവേശനവുമായി ബന്ധപ്പെട്ട കാര്യം ബോര്ഡ് വിശദമായി ചര്ച്ച ചെയ്തു ശബരിമലയിൽ ആചാരങ്ങള് സംരക്ഷിക്കണമെന്നതിൽ ബോര്ഡിന് ആശയക്കുഴപ്പമില്ലെന്നും നിലവിലുള്ള ഉത്തരവിനെതിരെ സുപ്രീംകോടതിയിൽ ബോര്ഡ് നിലപാട് അറിയിയ്ക്കുമെന്നും വിധിയെ എതിര്ക്കുമെന്നും കെ ജയകുമാര് വ്യക്തമാക്കി.
ദേവസ്വം ബോര്ഡ് ഒരിക്കലും യുവതി പ്രവേശനത്തെ അനുകൂലിച്ചിട്ടില്ല. വ്യക്തികള് അനുകൂലിച്ചിട്ടുണ്ടാകാമെന്നും 2020ലേത് അഭിഭാഷകന്റെ നിലപാടാണെന്നും കെ ജയകുമാര് പറഞ്ഞു
