സമാന്തര ഇന്റലിജൻസ് പിരിച്ചുവിട്ടു ; 40 ഉദ്യോ​ഗസ്ഥരോട് മാതൃയൂണിറ്റിലേക്ക് മടങ്ങാൻ എഡിജിപി മനോജ് എബ്രഹാമിൻ്റെ നിർദ്ദേശം’

തിരുവനന്തപുരം: എഡിജിപി എംആർ അജിത് കുമാർ തുടങ്ങിവച്ച സമാന്തര ഇന്റലിജന്റ്സ് സംവിധാനം പിരിച്ചുവിട്ട് പുതിയ മേധാവി മനോജ് എബ്രഹാം. 40 ഉദ്യോഗസ്ഥരോട് മാതൃ യൂണിറ്റിലേക്ക് മടങ്ങാൻ നിർദേശം നല്‍കി.

ഡിജിപി അറിയാതെ മുൻ എഡിജിപി എംആർ അജിത് കുമാർ ഉണ്ടാക്കിയ പ്രത്യേക സംവിധാനമാണ് സമാന്തര ഇന്റലിജൻസ്. സംസ്ഥാന ജില്ലാ സ്പെഷ്യൽ ബ്രാഞ്ചുകൾ നിലവിലുള്ളപ്പോഴാണ് എഡിജിപി അജിത് കുമാർ തനിക്കായി പ്രത്യേക സംവിധാനം ഉണ്ടാക്കിയത് എന്നതും പ്രത്യേകം ശ്രദ്ധേയം