‘ഡിഎൻഎ’ എന്ന ചിത്രത്തിലൂടെ മലയാളത്തിലേക്ക് തിരിച്ചെത്തുകയാണ് സലീമ. ടി എസ് സുരേഷ് ബാബു സംവിധാനം ചെയ്യുന്ന ചിത്രത്തിൽ മമ്മൂട്ടിയുടെ സഹോദരി പുത്രനായ അഷ്കർ സൗദാൻ ആണ് നായകൻ
സലീമ അവതരിപ്പിച്ച നഖക്ഷതങ്ങളിലെ ഊമപ്പെണ്ക്കുട്ടി ലക്ഷ്മിയേയും ആരണ്യകത്തിലെ റെബല് അമ്മിണിയേയും മലയാളികൾ അത്ര പെട്ടെന്നൊന്നും മറക്കില്ല. ആന്ധ്ര സ്വദേശിയായ സലീമയുടെ യഥാർത്ഥ പേര് കലീശ്വരി ദേവി എന്നാണ്. തെലുങ്ക് നടി ഗിരിജയുടെ മകളാണ്
ഡിഎൻഎയിൽ പാട്ടി എന്ന കഥാപാത്രത്തെയാണ് സലീമ അവതരിപ്പിക്കുന്നത്.
ഞാൻ പിറന്ന നാട്ടിൽ (1985) എന്ന ചിത്രത്തിലൂടെയായിരുന്നു സലീമയുടെ മലയാളത്തിലേക്കുള്ള അരങ്ങേറ്റം. പിന്നീട് നഖക്ഷതങ്ങൾ, ആരണ്യകം, മഹായാനം തുടങ്ങി പത്തോളം ചിത്രങ്ങളിൽ അഭിനയിച്ചു.
കോട്ടയം കുഞ്ഞച്ചൻ , കിഴക്കൻ പത്രോസ് , പ്രായിക്കര പാപ്പാൻ , കന്യാകുമാരി എക്സ്പ്രസ് , ഉപ്പുകണ്ടം ബ്രദേഴ്സ് , മാന്യൻ , സ്റ്റാൻലി ശിവദാസ് , പാളയം തുടങ്ങിയ പ്രശസ്ത ചിത്രങ്ങളിലൂടെ പ്രശസ്തനായ ടി എസ് സുരേഷ് ബാബു ഒരു ഇടവേളക്ക് ശേഷം സംവിധാനം നിർവ്വഹിക്കുന്ന ചിത്രമാണ് ‘ഡിഎൻഎ’.
ബെൻസി പ്രൊഡക്ഷൻസിൻ്റെ ബാനറിൽ കെ വി അബ്ദുൾ നാസർ നിർമ്മിച്ച ഡിഎൻഎ ജൂൺ 14 ന് തിയേറ്ററുകളിലെത്തും.
