source : Indian Coast Guard
ഗുജറാത്തിലെ പോർബന്തർ തീരത്ത് കോസ്റ്റ്ഗാർഡ് ഹെലികോ Sourceപ്റ്റർ അപകടത്തിൽ മലയാളി പൈലറ്റ് ഉൾപ്പെടെ രണ്ട് പേർ വീരമൃത്യുവരിച്ചു. ഹെലികോപ്റ്ററിന്റെ പ്രധാന പൈലറ്റ് കരൺ സിംഗ് കോസ്റ്റ് ഗാർഡ് സീനിയർ ഡെപ്യൂട്ടി കമാൻഡന്ററായ വിപിൻ ബാബുഎന്നിവരാണ് വിരമൃത്യുവരിച്ചത്.
ആലപ്പുഴ മാവേലിക്കരയിൽ പാറക്കടവ് സ്വദേശിയാണ് വിപിൻ ബാബു. ഹെലികോപ്റ്ററിൽ രണ്ട് പൈലറ്റുമാരുൾപ്പെടെ നാലുപേരാണ് ഉണ്ടായിരുന്നത്. ഇതിൽ ഒരാൾ രക്ഷപ്പെട്ടു. മറ്റൊരാൾക്കായി തിരച്ചിൽ നടക്കുകയാണ്. നാലു കപ്പലുകളിലും രണ്ട് വിമാനങ്ങളിലുമായാണ് തിരച്ചിൽ നടത്തുന്നത്.
വ്യോമസേന റിട്ട. ഉദ്യോഗസ്ഥൻ പരേതനായ ആർ സി ബാബുവിന്റെയും ശ്രീലതാ ബാബുവിന്റെയും മകനാണ് വിപിൻ ബാബു. തിങ്കളാഴ്ച രാത്രി 11 മണിയോടെ ഗുജറാത്തിലെ പോർബന്തർ തീരത്തെ കടലിലാണ് നിയന്ത്രണം നഷ്ടപ്പെട്ട തീരസംരക്ഷണ സേനയുടെ ഹെലികോപറ്റർ ഇടിച്ചിറങ്ങിയത്. പോർബന്തറിൽ ഹരിലീല എന്ന മോട്ടർ ടാങ്കറിൽ നിന്നു പരുക്കേറ്റ ജീവനക്കാരനെ രക്ഷിക്കാനുള്ള ദൗത്യത്തിനിടെയാണ് ഹെലികോപ്റ്റർ അടിയന്തര ലാൻഡിംഗ് നടത്തിയത്
