തിരുനെല്ലി: ചിങ്ങം ഒന്നിനു തിരുനെല്ലി ക്ഷേത്രനടയിലെത്തി തിരുനെല്ലി പെരുമാളിനെ വണങ്ങി കുങ്കിയാനകളായ ഭരതും ഉണ്ണികൃഷ്ണനും. മുത്തങ്ങ ആനപ്പന്തിയിലുള്ള ഈ രണ്ട് ആനകളും ഇപ്പോൾ ദിവസങ്ങളായി തിരുനെല്ലി ഫോറസ്റ്റ് സ്റ്റേഷനിലാണുള്ളത്. ജനവാസ കേന്ദ്രങ്ങളിലിറങ്ങുന്ന കാട്ടാനകളെ കാടു കയറ്റുന്നതിനുള്ള ദൗത്യത്തിനാണ് ഇരുവരേയും എത്തിച്ചത്.
ശനിയാഴ്ച രാവിലെ പാപ്പന്മാർക്കൊപ്പമാണ് ഭരതും ഉണ്ണികൃഷ്ണനും തിരുനെല്ലി പെരുമാളിനെ വണങ്ങാനെത്തിയത്. ക്ഷേത്രം മേൽശാന്തി ഇ.എൻ. കൃഷ്ണൻ നമ്പൂതിരി ആനകൾക്ക് പ്രസാദം നൽകി.
