തൃശൂർ: ആരോഗ്യ വകുപ്പ് മന്ത്രി വീണ ജോർജിനെ തൃശൂർ ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രാത്രി എട്ട് മണിയോടെ മെഡിക്കൽ കോളജ് ആശുപത്രിയിൽ പ്രവേശിപ്പിച്ച മന്ത്രിയെ പരിശോധനക്ക് വിധേയമാക്കി. രക്തസമ്മർദ്ദം കൂടിയതാണെന്ന് ഡോക്ടർമാർ അഭിപ്രായപ്പെട്ടു.
പ്രാഥമിക ചികിത്സക്കും തുടർന്നുള്ള വിശ്രമത്തിനും ശേഷം മന്ത്രി തൃശൂർ രാമനിലയത്തിലേക്ക് പോയി. ഉപതെരഞ്ഞെടുപ്പ് നടക്കുന്ന ചേലക്കര നിയമസഭ മണ്ഡലത്തിൽ എൽ.ഡി.എഫ് സ്ഥാനാർത്ഥി യു.ആർ. പ്രദീപിന് വേണ്ടി ഞായറാഴ്ച വിവിധയിടങ്ങളിൽ മന്ത്രി പ്രചാരണ പരിപാടികളിൽ പങ്കെടുത്തിരുന്നു.
