തിരുവനന്തപുരം: മലയാള സിനിമാ മേഖലയിലെ ലൈംഗിക ആരോപണങ്ങള് അന്വേഷിക്കാന് പ്രത്യേക സംഘത്തെ നിയോഗിച്ച് സര്ക്കാര്. ലൈംഗിക ചൂഷണത്തില് മൊഴി ലഭിച്ചാല് പ്രത്യേക സംഘം അന്വേഷണം നടത്തും. ആരോപണം ഉന്നയിച്ചവർ പരാതിയിൽ ഉറച്ചു നിന്നാൽ കേസെടുക്കും.
ഹേമ കമ്മിറ്റി റിപ്പോര്ട്ട് പുറത്ത് വന്നതിന് പിന്നാലെ സിനിമ മേഖലയിലെ ലൈംഗീക ചൂഷണ ആരോപണങ്ങള് ഒന്നൊന്നായി പുറത്തുവന്നതിന് പിന്നാലെയാണ് സര്ക്കാര് നീക്കം. മുഖ്യമന്ത്രിയും ഡിജിപിയുമായി ചർച്ച നടത്തിയതിന്റെ അടിസ്ഥാനത്തിൽ കൂടിയാണ് തീരുമാനം.
വനിതാ ഉദ്യോഗസ്ഥയുടെ നേതൃത്തില് പ്രത്യേക സംഘത്തെ നിയോഗിച്ച് ആരോപണം ഉന്നയിച്ചവരുടെ മൊഴി രേഖപ്പെടുത്തി കേസ് എടുക്കാന് സാധിക്കുമോയെന്നാണ് പ്രത്യേക സംഘം ആരായുക.
ഐജി സ്പര്ജന് കുമാറിന്റെ നേതൃത്വത്തില് ഏഴംഗ സംഘത്തിനാണ് അന്വേഷണ ചുമതല. ക്രൈം ബ്രാഞ്ച് എഡിജിപി എച്ച് വെങ്കിടേഷ് അന്വേഷണത്തിന് മേല്നോട്ടം വഹിക്കും. സംഘത്തില് നാല് വനിതാ ഉദ്യോഗസ്ഥരുമുണ്ട്. എസ് അജിത ബീഗം, ജി.പൂങ്കുഴലി, ഐശ്വര്യ ഡോങ്കറെ, മെറിന് ജോസഫ് എന്നിവരാണ് ആ നാലുപേർ. വി അജിത്ത്, എസ് മധുസൂദനന് എന്നിവരും സംഘത്തിലുണ്ടാവും.
