കൊച്ചി: ലൈംഗിക പീഡന പരാതിയിൽ എംഎൽഎയും നടനുമായ മുകേഷിനും നടൻ ഇടവേള ബാബുവിനും മുൻകൂർ ജാമ്യം അനുവദിച്ചു. എറണാകുളം സെഷൻസ് കോടതിയാണ് ജാമ്യം അനുവദിച്ചത്. കഴിഞ്ഞ രണ്ടു ദിവസം അടച്ചിട്ട കോടതിയിൽ നടന്ന വിശദമായ വാദത്തിനൊടുവിൽ ആണ് മുകേഷിനും ഇടവേള ബാബുവിനും മുൻകൂർ ജാമ്യം അനുവദിച്ചത്. പ്രിൻസിപ്പൽ സെഷൻസ് കോടതി ജഡ്ജ് ഹണി എം.വർഗീസ് നടന്മാർക്ക്‌ മുൻകൂർ ജാമ്യം നൽകിയത്.
അതേസമയം സിനിമ നയരൂപവത്കരണ സമിതിയിൽ നിന്നും മുകേഷിനെ ഒഴിവാക്കി. ഹേമ കമ്മിറ്റി റിപ്പോർട്ടിൽ നടനെതിരെ ലൈംഗികാരോപണം ഉയർന്നുവന്ന സാഹചര്യത്തിലാണ് സമിതിയിൽ നിന്നും ഒഴിവാക്കിയത്. ഫെഫ്ക ജനറൽ സെക്രട്ടറിയും സംവിധായകനുമായ ബി. ഉണ്ണികൃഷ്ണൻ നയ രൂപവത്ക്കരണ സമിതിയിൽ തുടരും.
