കൊച്ചി ∙ വാഹനാപകടത്തിൽ ഗുരുതരമായി പരുക്കേറ്റ് വെന്റിലേറ്ററിൽ ചികിത്സയിലുള്ള യുവാവിന്റെ ബീജമെടുത്തു സൂക്ഷിക്കാൻ ഹൈക്കോടതി അനുമതി നൽകി. മുപ്പത്തിനാലുകാരിയായ ഭാര്യയുടെ ഹർജിയിൽ പ്രത്യേക സാഹചര്യം പരിഗണിച്ചാണു ജസ്റ്റിസ് ജി.അരുൺ ഇടക്കാല ഉത്തരവിട്ടത്.
എന്നാൽ തുടർ നടപടികൾ കോടതിയുടെ ഉത്തരവിന്റെ അടിസ്ഥാനത്തിലേ ഉണ്ടാകാവൂ എന്നും നിർദ്ദേശിച്ചു. ഹർജി 9ന് വീണ്ടും പരിഗണിക്കും. കഴിഞ്ഞ വർഷം വിവാഹിതരായവരാണ് ദമ്പതികൾ. മക്കളില്ല.
