Wednesday, November 18, 2026

പട്ടാമ്പി എം.എൽ.എ മുഹമ്മദ് മുഹ്‌സിൻ തയ്യാറാക്കിയ ‘മാനസമിത്ര’ പദ്ധതിക്ക് അംഗീകാരം; പൊതുവിദ്യാഭ്യാസ രംഗത്ത് നടപ്പാക്കുമെന്ന് വിദ്യാഭ്യാസ മന്ത്രി

Date:

തിരുവനന്തപുരം : പട്ടാമ്പി എം.എൽ.എ മുഹമ്മദ് മുഹ്‌സിൻ മുൻകൈയെടുത്ത് തയ്യാറാക്കി സർക്കാരിന് സമർപ്പിച്ച ‘മാനസമിത്ര’ പദ്ധതിക്ക് അംഗീകാരം. നമ്മുടെ കുട്ടികളുടെയും യുവാക്കളുടെയും മാനസികാരോഗ്യ സംരക്ഷണം മുൻനിർത്തി ആവിഷ്കരിച്ച അതീവ പ്രാധാന്യമുള്ള ഒരു പദ്ധതിയാണിതെന്നും ആധുനിക കാലത്ത് വിദ്യാർത്ഥികൾ നേരിടുന്ന അക്കാദമിക് സമ്മർദ്ദം, ഉത്കണ്ഠ, ഡിജിറ്റൽ അഡിക്ഷൻ, ലഹരി ഉപയോഗം തുടങ്ങിയ വെല്ലുവിളികളെ ശാസ്ത്രീയമായി നേരിടാൻ ഈ പദ്ധതി സഹായകരമാകുമെന്നും റിപ്പോർട്ട് ഏറ്റുവാങ്ങിയ മന്ത്രി വി ശിവൻകുട്ടി പറഞ്ഞു. റിപ്പോർട്ട് സർക്കാർ വിശദമായി പരിശോധിക്കുകയും പൊതുവിദ്യാഭ്യാസ രംഗത്ത് ഇത് പ്രായോഗികമായി നടപ്പിലാക്കുന്നതിന് ആവശ്യമായ എല്ലാ നടപടികളും സ്വീകരിക്കുകയും ചെയ്യുമെന്നും മന്ത്രി കൂട്ടിച്ചേർത്തു.

പട്ടാമ്പിയെ രാജ്യത്തെ ആദ്യത്തെ ‘വൈജ്ഞാനിക നിയോജകമണ്ഡല’മായി ഉയർത്തുന്നതിനുള്ള സുപ്രധാനമായ ചുവടുവെപ്പിനാണ് ‘മാനസമിത്ര’ പദ്ധതി തുടക്കമിടുന്നത്. കോഴിക്കോട് ഇംഹാൻസിലെ വിദഗ്ധർ, പൊതുവിദ്യാഭ്യാസ വകുപ്പിന് കീഴിലുള്ള സ്കോൾ-കേരള, എസ്.സി.ഇ.ആർ.ടി എന്നീ ഏജൻസികൾ എന്നിവരെ ഏകോപിപ്പിച്ചുകൊണ്ടാണ് ഈ സമഗ്രമായ കർമ്മപദ്ധതി രൂപീകരിച്ചിരിക്കുന്നത്. സ്കൂൾ തലത്തിൽ മൂന്ന് ഘട്ടങ്ങളിലായി നടപ്പിലാക്കാവുന്ന ഈ പദ്ധതിയുടെ റിപ്പോർട്ടും അദ്ധ്യാപകർക്കുള്ള പരിശീലന മോഡ്യൂളുകളും എം.എൽ.എ സർക്കാരിന് കൈമാറി.

കുട്ടികളുടെ മാനസിക നിലവാരം മെച്ചപ്പെടുത്തുന്നതിനും അവർക്ക് കരുത്തുറ്റ ഒരു ഭാവി ഉറപ്പാക്കുന്നതിനും ഇത്തരം ഇടപെടലുകൾ അനിവാര്യമാണെന്ന് വിദ്യാഭ്യാസ മന്ത്രി പറഞ്ഞു. സ്കോൾ കേരള എക്സിക്യൂട്ടീവ് ഡയറക്ടർ ജിനേഷ് കുമാർ എരമവും ചടങ്ങിൽ പങ്കെടുത്തു.

LEAVE A REPLY

Please enter your comment!
Please enter your name here

Share post:

Popular

More like this
Related

മുഖ്യമന്ത്രിക്കെതിരെ കാബിനറ്റ് യോഗത്തില്‍ കടുത്ത വിമർശനം ; തങ്ങളൊന്നും അറിയുന്നില്ലെന്ന് മന്ത്രിമാർ

തിരുവനന്തപുരം : അധികാരത്തിലേറി ആറാം മാസമായതെയുള്ളൂ, മന്ത്രിസഭാ യോഗത്തില്‍ മുഖ്യമന്ത്രിക്കെതിരെ രൂക്ഷവിമർശനമുയർത്തി...

ഔട്ട്! ; സാമ്പത്തിക തട്ടിപ്പ് കേസിൽ അറസ്റ്റിലായ  സുഹൈൽ ഷാജഹാനെ പുറത്താക്കി കോൺഗ്രസ്

തിരുവനന്തപുരം : സാമ്പത്തിക തട്ടിപ്പ് കേസിലെ പ്രതി സുഹൈൽ ഷാജഹാനെ കോൺ​ഗ്രസ്...

ഉപാധിവെച്ച് മത്സരിച്ച ഒരാൾ!; തോറ്റാൽ കെടിഡിസി ചെയർമാൻ സ്ഥാനത്തേക്ക് പരിഗണിക്കുമെന്ന ഉറപ്പ് ലഭിച്ചിരുന്നതായി പിവി അൻവർ

മലപ്പുറം : തെരഞ്ഞെടുപ്പിൽ ബേപ്പൂരിൽ പരാജയപ്പെടുന്ന സാഹചര്യമുണ്ടായാൽ കെടിഡിസി ചെയർമാൻ സ്ഥാനത്തേക്ക്...

ആലപ്പുഴയിലെ പക്ഷിപ്പനി; 26,000ത്തിലധികം വളർത്തുപക്ഷികളെ കൊന്നൊടുക്കും

ആലപ്പുഴ : ജില്ലയിൽ പക്ഷിപ്പനി വ്യാപകമാകുന്ന സാഹചര്യത്തിൽ ആലപ്പുഴ, ഹരിപ്പാട്, മാവേലിക്കര...