ചെന്നൈ: ചെന്നൈയിൽ നിന്ന് 65 കിലോമീറ്റർ അകലെ തിരുവള്ളൂർ ജില്ലയിലെ രാമഞ്ചേരിക്കടുത്ത് ഞായറാഴ്ച രാത്രി കണ്ടെയ്‌നർ ട്രക്കും കാറും നേർക്കുനേർ കൂട്ടിയിടിച്ച് അഞ്ച് കോളേജ് വിദ്യാർത്ഥികൾ മരിക്കുകയും രണ്ട് പേർക്ക് പരിക്കേൽക്കുകയും ചെയ്തു.
ചെന്നൈ എസ്ആർഎം കോളജിലെ മൂന്നാം വർഷ എൻജിനീയറിങ് വിദ്യാർത്ഥികളായ ഇവർ ഓംഗോളിലേക്ക് പോകുകയായിരുന്നുവെന്ന് രക്ഷപ്പെട്ട രണ്ടുപേരുടെ മൊഴിയുടെ അടിസ്ഥാനത്തിൽ പൊലീസ് പറഞ്ഞു.
നിതീഷ് വർമ (20), ചേതൻ (24), യുഗേഷ് (20), നിതീഷ് (20), രാംമോഹൻ റെഡ്ഡി (20) എന്നിവരാണ് മരിച്ചത്. ഇവരുടെ സുഹൃത്തുക്കളായ ചൈതന്യ (20), വിഷ്ണു (20) എന്നിവർ അപകടനില തരണം ചെയ്ത് ആശുപത്രിയിൽ ചികിത്സയിലാണ്.
ചെന്നൈ-തിരുപ്പതി ദേശീയപാതയിലൂടെ സഞ്ചരിക്കുകയായിരുന്ന കാർ എതിരെ വന്ന എംയുവി രാജസ്ഥാൻ രജിസ്‌ട്രേഷനിലുള്ള കണ്ടെയ്‌നർ ട്രക്കുമായി കൂട്ടിയിടിച്ച് തകർന്നു.
