ടെഹ്റാൻ : അന്തരിച്ച പരമോന്നത നേതാവ് ആയത്തുള്ള അലി ഖമേനിക്ക് വിട നൽകാനൊരുങ്ങി ഇറാൻ. ബുധനാഴ്ച വൈകുന്നേരം ടെഹ്‌റാനിൽ എല്ലാ ഔദ്യോഗിക ബഹുമതികളോടും കൂടിയാണ് ചടങ്ങ് നടക്കുകയെന്ന് മുതിർന്ന ഇറാനിയൻ ഉദ്യോഗസ്ഥൻ സംസ്ഥാന മാധ്യമത്തോട് പറഞ്ഞു. വിടവാങ്ങൽ ചടങ്ങ് മൂന്ന് ദിവസം തുടരുമെന്നും ശവസംസ്കാര ചടങ്ങ് പിന്നീട് പ്രഖ്യാപിക്കുമെന്നും ഇറാനിലെ ഇസ്ലാമിക് പ്രൊപ്പഗേഷൻ കൗൺസിൽ മേധാവി ഹൊജ്ജതോലെസ്ലാം മഹമൂദി അറിയിച്ചു.
അന്തരിച്ച പരമോന്നത നേതാവ് അലി ഖമേനിയുടെ മൃതദേഹത്തിന് ടെഹ്‌റാനിലെ ഇമാം ഖൊമേനി പ്രാർത്ഥനാ ഹാളിൽ (പ്രാദേശിക സമയം രാത്രി 10 മണി മുതൽ) പൊതുജനങ്ങൾക്ക് ആദരാഞ്ജലി അർപ്പിക്കാൻ അവസരമുണ്ടാകുമെന്ന് ഉദ്യോഗസ്ഥർ പറഞ്ഞു. ശനിയാഴ്ച ഇസ്രായേലും അമേരിക്കയും സംയുക്തമായി നടത്തിയ വ്യോമാക്രമണത്തിലാണ് 86 വയസ്സുകാരനായ ആയത്തുള്ള അലി ഖമേനി കൊല്ലപ്പെട്ടത്.
