തിരുവനന്തപുരം: പുതിയ അഡ്വക്കേറ്റ് ജനറൽ, ഡയറക്ടർ ജനറൽ ഓഫ് പ്രോസിക്യൂഷൻ നിയമനങ്ങൾ നടത്താൻ തീരുമാനിച്ചതായി മുഖ്യമന്ത്രി വി.ഡി. സതീശൻ. അഡ്വക്കേറ്റ് ജനറലായി അഡ്വ. ജാജു ബാബുവിനെയും ഡയറക്ടർ ജനറൽ ഓഫ് പ്രോസിക്യൂഷനായി അഡ്വ. ടി. ആസഫലിയേയും നിയമിക്കാൻ മന്ത്രിസഭായോഗം തീരുമാനിച്ചതായി ആദ്യ മന്ത്രിസഭായോഗത്തിന് ശേഷം നടത്തിയ വാർത്താസമ്മേളനത്തിൽ മുഖ്യമന്ത്രി വ്യക്തമാക്കി.
അഡ്വക്കറ്റ് ജനറലായിരുന്ന കെ. ഗോപാലകൃഷ്ണക്കുറുപ്പ് രാജിവെച്ച പശ്ചാത്തലത്തിലാണ് ജാജു ബാബുവിനെ അഡ്വക്കേറ്റ് ജനറലായി നിയമിക്കാൻ തീരുമാനിച്ചത്. ഹൈക്കോടതിയിലെ മുതിർന്ന അഭിഭാഷകനാണ് ജാജു ബാബു. ഡയറക്ടർ ജനറൽ ഓഫ് പ്രോസിക്യൂഷൻ ടി.എ. ഷാജിയുടെ രാജി സ്വീകരിച്ചതായും, പകരം ടി. ആസഫലിയെ നിയമിക്കാൻ തീരുമാനിച്ചതായും മുഖ്യമന്ത്രി വി.ഡി. സതീശൻ അറിയിച്ചു
