ബംഗളൂരു : കർണ്ണാടകയിലെ വിദ്യാഭ്യാസ സ്ഥാപനങ്ങളിൽ ഹിജാബ് നിരോധനം പിൻവലിച്ചതിൽ പ്രതിഷേധിച്ച് ശ്രീറാം സേന. ഹുബ്ബള്ളിയിൽ കോളേജിലെത്തിയ വിദ്യാർത്ഥികൾക്ക് കാവി ഷാളുകൾ വിതരണം ചെയ്തായിരുന്നുപ്രതിഷേധം. .
വിദ്യാഭ്യാസ സ്ഥാപനങ്ങളിൽ ഹിജാബ് നിരോധനം പിൻവലിച്ച സർക്കാർ നടപടിക്കെതിരെ സംസ്ഥാനവ്യാപകമായി നടത്തുന്ന പ്രതിഷേധത്തിന്റെ ഭാഗമായാണ് ശ്രീരാമ സേനയും ഹിന്ദു സംഘടനകളും വിദ്യാർത്ഥികൾക്ക് കാവി ഷാളുകൾ വിതരണം ചെയ്തത്. വിദ്യാഭ്യാസ സ്ഥാപനങ്ങളിൽ ഹിജാബ് അനുവദിക്കാനുള്ള സർക്കാർ തീരുമാനത്തിനെതിരായ പ്രതിഷേധം രേഖപ്പെടുത്തുക എന്നതാണ് ഈ കാമ്പെയ്‌നിന്റെ ഉദ്ദേശ്യമെന്ന് സംഘടനാ നേതാക്കൾ പറഞ്ഞു. ഈ നീക്കം പ്രീണന രാഷ്ട്രീയമാണെന്നും ഈ നയം കാമ്പസുകളിൽ മതപരമായ ഭിന്നത വീണ്ടും ആളിക്കത്തിക്കുമെന്നും അവർ വ്യക്തമാക്കി.
സ്കൂളുകളിലും കോളേജുകളിലും വിദ്യാർത്ഥികൾക്ക് ഹിജാബ്, പൂണൂൽ തുടങ്ങിയ മതചിഹ്നങ്ങൾ ധരിക്കാൻ അനുമതി നൽകി കർണാടക സർക്കാർ ഉത്തരവ് പുറപ്പെടുവിച്ചതിന് ദിവസങ്ങൾക്ക് ശേഷമാണ് ഈ പ്രതിഷേധങ്ങൾ ഉയർന്നുവരുന്നത്.
.
