ജോഷിമഠ് : ഉത്തരാഖണ്ഡിൽ ട്രക്കിംഗിനിടെ മലയാളി യുവാവ് കുഴഞ്ഞ് വീണ് മരിച്ചു. ഉത്തരാഖണ്ഡിലെ ജോഷിമഠിൽ ട്രക്കിംഗിന് പോയ ഇടുക്കി കമ്പിളികണ്ടം സ്വദേശി പൂവത്തിങ്കൽ അലൻ ആണ് മരിച്ചത്. ചമോലി ജില്ലയിലെ ജോഷിമഠ് ഗരുഡാപീക്ക് മലയിൽ വച്ചാണ് അലൻ കുഴഞ്ഞ് വീണ് മരണം സംഭവിച്ചത്.
കഴിഞ്ഞ ഇരുപതിനാണ് അലൻ ഉൾപ്പെടെ നാലംഗസംഘം ട്രക്കിംഗിന് പോയത്. എൻ ഡി ആർ എഫ് സംഘം എത്തി അലൻ്റെ മൃതദേഹം ചുമന്ന് ബേസ് ക്യാംപിൽ എത്തിച്ചു. കാലാവസ്ഥ അനുകൂലമായാൽ മൃതദേഹം എയർ ലിഫ്റ്റ് ചെയ്ത് ആശുപത്രിയിലേക്ക് മാറ്റുമെന്ന് അറിയുന്നു.
