തിരുവനന്തപുരം : സംസ്ഥാനത്തിന് പുതിയ പിസിസി പ്രസിഡന്റ് ഉടനെ തിരഞ്ഞെടുത്തേക്കും. പ്രാഥമിക ചര്ച്ച തുടങ്ങാന് ദീപാദാസ് മുന്ഷിക്ക് കോണ്ഗ്രസ് ഹൈക്കമാന്ഡ് നിര്ദ്ദേശം നല്കിയതായാണ് റിപ്പോർട്ട്. പാര്ലമെന്ററി പദവി വഹിക്കുന്നവരെ അദ്ധ്യക്ഷ സ്ഥാനത്തേക്ക് പരിഗണിച്ചേക്കില്ല. എം എം ഹസന്, ജോസഫ് വാഴക്കന്, മുല്ലപ്പളളി രാമചന്ദ്രന് എന്നിവരാണ് പട്ടികയിലുളളത്.
മുന്നണി കണ്വീനര് സ്ഥാനത്തേക്കും മുല്ലപ്പളളിയെ പരിഗണിച്ചേക്കുമെന്നറിയുന്നു.
നിലവിലെ അദ്ധ്യക്ഷൻ സണ്ണി ജോസഫിനെ മന്ത്രിസഭയില് ഉള്പ്പെടുത്തിയതോടെയാണ് പുതിയ ആളെ തിരഞ്ഞെടുക്കേണ്ട സാഹചര്യം ഉണ്ടായത്. എംപിമാരേയും എംഎല്എമാരേയും കെപിസിസി അദ്ധ്യക്ഷ സ്ഥാനത്തേക്ക് പരിഗണിക്കരുതെന്നാണ് പാർട്ടിയിൽ പൊതുവെ ഉയർന്നുവരുന്ന ആവശ്യം. മന്ത്രിസഭയില് പുതുമുഖങ്ങളെയും യുവാക്കളെയും ഉള്പ്പെടുത്തിയ അതേ മാതൃക കെപിസിസി, ഡിസിസി പുന:സംഘടനയിലും തുടരാനും നിർദ്ദേശമുണ്ട്.
