Monday, November 16, 2026

മാനവീയം വീഥിയിലെ വിലക്ക്; തിരുവനന്തപുരം കോര്‍പ്പറേഷനില്‍ സെക്രട്ടറിയെ ഉപരോധിച്ച് സാംസ്‌ക്കാരിക പ്രവര്‍ത്തകര്‍

Date:

തിരുവനന്തപുരം : മാനവീയം വീഥിയുടെ രജതജൂബിലിയുമായി ബന്ധപ്പെട്ട് ഗായിക പുഷ്പവതിയുടെ ഗാനപരിപാടിക്ക് വിലക്ക് ഏര്‍പ്പെടുത്തിയ നടപടിയില്‍ തിരുവന്തപുരം നഗരസഭയിൽ പ്രതിഷേധിച്ച് സംസ്‌ക്കാരിക പ്രവർത്തകർ. നഗരസഭാ സെക്രട്ടറിയെ ഉപരോധിച്ച പ്രതിഷേധക്കാരെ പോലീസ് ബലം പ്രയോഗിച്ച് അറസ്റ്റ് ചെയ്തു.

രാവിലെ പതിനൊന്ന് മണിക്ക് നഗരസഭാ കൗണ്‍സില്‍ യോഗം ചേരാനിരിക്കെയായിരുന്നു നഗരസഭാ സെക്രട്ടറിയെ ഉപരോധിക്കാനുള്ള സാംസ്‌ക്കാരിക പ്രവര്‍ത്തകരുടെ അപ്രതീക്ഷിത നീക്കം. കൗണ്‍സില്‍ യോഗത്തില്‍ സെക്രട്ടറിയെ പങ്കെടുക്കാന്‍ അനുവദിക്കാതെ ഉപരോധം ഏര്‍പ്പെടുത്തിയതോടെ പോലീസ് ബലം പ്രയോഗിച്ച് നീക്കുകയായിരുന്നു.

സമാധാനപരമായി പ്രതിഷേധിച്ച തങ്ങളെ പോലീസ് മര്‍ദ്ദിച്ചതായി സംസ്‌ക്കാരിക പ്രവര്‍ത്തകർ ആരോപിച്ചു. മാനവീയം വീഥിയില്‍ നൈറ്റ് ലൈഫിന് വിലക്കില്ലെന്ന് മന്ത്രി പറയുമ്പോള്‍ അതിന് വിരുദ്ധമായാണ് മേയര്‍ പറയുന്നതെന്നും അവർ കുറ്റപ്പെടുത്തി.

മാനവീയം വീഥിയില്‍ പരിപാടിക്ക് അനുമതി തേടി നഗരസഭാ സെക്രട്ടറിക്ക് സംഘാടകര്‍ കത്ത് നല്‍കിയിരുന്നു. അതിന്റെ അടിസ്ഥാനത്തില്‍ സെക്രട്ടറി പരിപാടിക്ക് അനുമതി നല്‍കുന്നതുമായി ശുപാര്‍ശ ചെയ്ത് മേയര്‍ക്ക് അയക്കുകയും ചെയ്തിരുന്നു. എന്നാല്‍ പരിപാടിക്ക് മേയര്‍ അനുമതി നിഷേധിച്ചെന്നാണ് സാംസ്‌ക്കാരിക പ്രവര്‍ത്തകര്‍ പറയുന്നത്. മാനവീയം വീഥിയില്‍ പരിപാടിക്ക് വിലക്ക് ഏര്‍പ്പെടുത്തിയാല്‍ കോര്‍പ്പറേഷന് മുന്നില്‍ ശക്തമായ പ്രതിഷേധം സംഘടിപ്പിക്കുമെന്നും സാംസ്‌ക്കാരിക പ്രവർത്തകര്‍ പറഞ്ഞു.

Share post:

Popular

More like this
Related

ശബരിമല മണ്ഡലമഹോത്സവം : മുന്നൊരുക്കങ്ങൾ പൂർത്തിയായതായി ദേവസ്വം വകുപ്പ് മന്ത്രി

പത്തനംതിട്ട : ശബരിമലയിൽ മണ്ഡലക്കാലത്തെ മുന്നൊരുക്കങ്ങൾ പൂർത്തിയാക്കിയതായി ദേവസ്വം വകുപ്പ് മന്ത്രി...

മധുര ജ്വല്ലറി കവർച്ച: മുഖ്യപ്രതി നിഷാന്ത് അറസ്റ്റിൽ; പിടികൂടിയത് ബസ്സിൽ യാത്ര ചെയ്യവെ

മധുര : തമിഴ്‌നാട്ടിലെ മധുരയിൽ ജ്വല്ലറി ഷോറൂമിൽ നടന്ന വൻ കവർച്ചാക്കേസിലെ...

ഭരണക്കാർക്ക് വേണ്ടെങ്കിൽ ഭണ്ഡാരങ്ങളിലേക്കെങ്കിലും! അസാധുവായ 500, 1000 രൂപാ നോട്ടുകളും പിൻവലിച്ച 2000 രൂപാ നോട്ടുകളും വഴിപാടുകളായി ഗുരുവായൂരിൽ

ഗുരുവായൂർ: കൈയ്യിലിരിപ്പുണ്ട്, ഉപയോഗിക്കാനാവില്ല. പിന്നെന്തു ചെയ്യും?... ആരും കാണാതെ നിക്ഷേപിക്കാനിടം ഭണ്ഡാരം...

അത്ഭുതപ്പെടുത്തുന്നു ചൈന; ലോകത്തെ ആദ്യ ഇലക്ട്രിക് യാത്രാവിമാനം പറത്തി ചരിത്രമെഴുതി!

ബെയ്ജിങ് : ചൈന ലോകത്തെ അത്ഭുതപ്പെടുത്തിക്കൊണ്ടേയിരിക്കുന്നു. ഏറ്റവും പുതുതായി വ്യോമയാന രംഗത്താണ്...