ന്യൂഡൽഹി : നിയമസഭ പാസ്സാക്കിയ ബില്ലുകളില് തീരുമാനമെടുക്കാത്തതില് ഗവര്ണര്ക്കും രാഷ്ട്രപതിക്കും എതിരെ കേരളം നല്കിയ ഹര്ജി സുപ്രീം കോടതി ഇന്ന് പരിഗണിക്കും. ചീഫ് ജസ്റ്റിസ് സഞ്ജയ് ഖന്ന അദ്ധ്യക്ഷനായ ബെഞ്ചാണ് ഹര്ജി പരിഗണിക്കുക. ഹര്ജിയില് മറുപടി സത്യവാങ്മൂലം നല്കാന് കേന്ദ്ര സര്ക്കാരിന് കോടതി നേരത്തെ നോട്ടീസ് അയച്ചിരുന്നു.
നിയമസഭ പാസാക്കിയ നാല് ബില്ലുകള് രാഷ്ട്രപതി തടഞ്ഞുവെച്ചത് ഭരണഘടനാ വിരുദ്ധമാണെന്നാണ് കേരളത്തിന്റെ വാദം. അനുമതി നിഷേധിച്ച ബില്ലുകളില് രാഷ്ട്രപതിയും ഗവര്ണറും രേഖപ്പെടുത്തിയത് എന്താണെന്ന് പരിശോധിക്കണമെന്നും ഹര്ജിയില് ആവശ്യപ്പെട്ടിരുന്നു. കേരള സര്ക്കാരും ടിപി രാമകൃഷണന് എം.എല്.എയുമാണ് ഹര്ജി നല്കിയത്.
