തിരുവനന്തപുരം : മുഖ്യമന്ത്രി വി.ഡി. സതീശനെതിരെ ഉന്നയിച്ച വിമർശനങ്ങളിലും അഭിപ്രായങ്ങളിലും ഉറച്ച് യു ഡി എഫ് കൺവീനർ ആടൂർ പ്രകാശ്. യു.ഡി.എഫ്. യോഗം ചേരാത്തത് എന്തെന്ന് ചെയർമാനോട് ചോദിക്കണമെന്ന് പറഞ്ഞ് മുഖ്യമന്ത്രിയോടുള്ള അതൃപ്തി ഒന്നുകൂടി പരസ്യമാക്കി അടൂർ പ്രകാശ്. മന്ത്രിസഭയിൽ കൂട്ടുത്തരവാദിത്വം ഉണ്ട് എന്നതിനുള്ള തെളിവാണ് പുറത്തുവരുന്നത് എന്നും അടൂർപ്രകാശ് പരിഹാസരൂപേണ കൂട്ടിച്ചേർത്തു.
മന്ത്രിമാർക്ക് അതൃപ്തി ഉണ്ടോ എന്നതിനെക്കുറിച്ച് അവരോട് ചോദിക്കണം. ചില അഭിപ്രായങ്ങൾ ഞാൻ നേരത്തെ തുറന്നു പറഞ്ഞിരുന്നു. അത് ഇപ്പോഴും നിലനിൽക്കുന്നുണ്ട്- അടൂർ പ്രകാശ് പറഞ്ഞു. പാർട്ടി അറിയാതെയാണ് മുഖ്യമന്ത്രി പല തീരുമാനമെടുക്കുന്നത് എന്നവിമർശനങ്ങളുമായി ബന്ധപ്പെട്ട ചോദ്യങ്ങൾക്ക്, കാര്യങ്ങളൊക്കെ പുറത്തുവരട്ടെ എന്നായിരുന്നു അദ്ദേഹത്തിന്റെ മറുപടി. യു ഡി എഫ് കൺവീനർ എന്നതു കൊണ്ട് മാത്രം എന്നെ എല്ലാം അറിയിക്കണം എന്നില്ലല്ലോ എന്നും അടൂർ പ്രകാശ് ചൂണ്ടിക്കാട്ടി.
ബോർഡ് കോർപ്പറേഷനിലെ അദ്ധ്യക്ഷ സ്ഥാനം സംബന്ധിച്ച് സർക്കാരാണ് തീരുമാനമെടുക്കേണ്ടത് കെപിസിസി അദ്ധ്യക്ഷൻ മന്ത്രിസഭയിൽ ഉള്ള ആളാകുമോ എന്ന കാര്യം എനിക്കറിയില്ലയെന്നും ഉടൻ തീരുമാനം ഉണ്ടാകണം എന്നതാണ് തൻ്റെ അഭിപ്രായം എന്നും അദ്ദേഹം പറഞ്ഞു. വിവാദമായ ജി എൻ എ കരാറിലും മുഖ്യമന്ത്രിക്കെതിരെ അടൂർ പ്രകാശ് വിരൽചൂണ്ടി. വിവരങ്ങൾ പുറത്തു വിടാൻ മഖ്യമന്ത്രി തയ്യാറാകണം എന്നായിരുന്നു അടൂർ പ്രകാശിൻ്റെ പ്രതികരണം.
