ന്യൂഡൽഹി : ദേശീയ മനുഷ്യാവകാശ കമ്മിഷൻ ചെയർമാനായി മുൻ ജസ്റ്റിസ് വി.രാമസുബ്രഹ്മണ്യത്തെ നിയമിച്ചു. സുപ്രീംകോടതിയിൽ ജഡ്ജിയായിരുന്നു ര. മദ്രാസ് ലോ കോളജിൽനിന്ന് നിയമം പൂർത്തിയാക്കിയ അദ്ദേഹം മദ്രാസ് ഹൈക്കോടതിയിൽ 23 വർഷം പ്രാക്ടീസ് ചെയ്തു.
2006 ജൂലൈ 31ന് മദ്രാസ് ഹൈക്കോടതിയിൽ അഡീഷനൽ ജഡ്ജിയായും 2009 നവംബർ 9 ന് സ്ഥിരം ജഡ്ജിയായും നിയമിതനായി. തെലങ്കാന ഹൈക്കോടതിയിലും ജഡ്ജിയായിരുന്നു. ഹിമാചൽ പ്രദേശ് ഹൈക്കോടതി ചീഫ് ജസ്റ്റിസ് പദവിയിൽ നിന്നാണ് അദ്ദേഹം സുപ്രീം കോടതി ജഡ്ജിയായി നിയമിതനാവുന്നത്.
