ബംഗളൂരു: ബെലകെരി തുറമുഖം വഴി അനധികൃതമായി ഇരുമ്പയിർ കടത്തിയ കേസില് കാര്വാര് എംഎല്എ സതീഷ് കൃഷ്ണ സെയിലിന് ഏഴുവര്ഷം തടവും 44 കോടി പിഴയും ശിക്ഷ വിധിച്ച് ബംഗളൂരുവിലെ ജനപ്രതിനിധികളുടെ പ്രത്യേക കോടതി. കേസില് സതീഷ് സെയില്, തുറമുഖ വകുപ്പ് ഡപ്യൂട്ടി കണ്സര്വേറ്റര് മഹേഷ് ജെ ബിലിയെ, ഖനിയുടമ ചേതന് ഷാ തുടങ്ങി ഏഴുപേര് കുറ്റക്കാരാണെന്ന് കോടതി കണ്ടെത്തിയിരുന്നു. വിധി മേല്ക്കോടതി സ്റ്റേ ചെയ്തില്ലെങ്കില് എംഎല്എ സ്ഥാനം നഷ്ടമാകും.
ഷിരൂരിലെ ഗംഗാവലി പുഴയില് മണ്ണിടിഞ്ഞ് കാണാതായ കോഴിക്കോട് സ്വദേശി അർജുനായുള്ള തിരച്ചിലിൽ സജീവമായി ഇടപെട്ട എംഎൽഎ മലയാളികൾക്കിടയിലും സുപരിചിതനാണ്.
