കൊച്ചി : ഗിന്നസ് വേള്ഡ് റെക്കോര്ഡ് ലക്ഷ്യമിട്ട് കലൂര് സ്റ്റേഡിയത്തില് നടത്തിയ മൃദംഗനാദം നൃത്ത പരിപാടിക്ക് നേതൃത്വം നൽകിയ ദിവ്യ ഉണ്ണിക്ക് സംഘാടകര് അഞ്ച് ലക്ഷം രൂപ നല്കിയെന്ന് കണ്ടെത്തി പൊലീസ്. ദിവ്യ ഉണ്ണിക്കു കൂടുതല് തുക നല്കിയോയെന്ന് പൊലീസ് പരിശോധിച്ച് വരികയാണ്. പരിപാടിയുടെ സാമ്പത്തിക തട്ടിപ്പുമായി ബന്ധപ്പെട്ട് സംഘാടകരുടെ അക്കൗണ്ട് പൊലീസ് പരിശോധിച്ചു. പരിപാടിക്കിടെ ഉമാ തോമസ് എംഎല്എയ്ക്ക് അപകടമുണ്ടായതുമായി ബന്ധപ്പെട്ട് ദിവ്യ ഉണ്ണിയുടെ മൊഴിയെടുക്കാൻ പൊലീസിന് സാധിച്ചിരുന്നില്ല. അതിന് മുൻപ് അവർ അമേരിക്കയിലേക്ക് പോയി. ദിവ്യ ഉണ്ണിയുടെ മൊഴി ഓൺലൈനായി രേഖപ്പെടുത്താനുള്ള ശ്രമത്തിലാണ് പോലീസ് എന്നറിയുന്നു.
അതേസമയം സ്റ്റേഡിയത്തില് പരിപാടി നടത്തിയതിനെ തുടര്ന്ന് ഗ്രൗണ്ടിന് കേടുപാട് സംഭവിച്ചെന്ന് ആരോപിച്ച് ബ്ലാസ്റ്റേഴ്സ് രംഗത്തെത്തി. കലൂര് സ്റ്റേഡിയത്തിന്റെ ഉടമസ്ഥത ജിസിഡിഎയ്ക്ക് ആണെങ്കിലും പരിപാലനം ബ്ലാസ്റ്റേഴ്സ് ആണ് ചെയ്യുന്നത്.
