തിരുവനന്തപുരം: റീ ബിൽഡ് വയനാടിനായി ‘സാലറി ചലഞ്ച്’ മുന്നോട്ട് വെച്ച് സംസ്ഥാന സര്ക്കാര്. സർവ്വീസ് സംഘടനകളുടെ യോഗത്തിലാണ് മുഖ്യമന്ത്രി നിര്ദ്ദേശം മുന്നോട്ടുവെച്ചത്. 10 ദിവസത്തെ ശമ്പളം നൽകാമോയെന്ന് മുഖ്യമന്ത്രി യോഗത്തില് ചോദിച്ചു.
വയനാട്ടിൽ ഉരുല്പൊട്ടല് ദുരിതമനുഭവിക്കുന്നവരുടെ പുനരധിവാസത്തിന് വേണ്ടി 1000 കോടി രൂപയെങ്കിലും വരുമെന്നാണ് സർക്കാരിന്റെ ഏകദേശ കണക്ക് കൂട്ടല്. അഞ്ച് ദിവസത്തെ ശമ്പളം നല്കാൻ സർവ്വീസ് സംഘടനകൾക്ക് ഇടയിൽ ധാരണയായിട്ടുണ്ട്. സാലറി ചലഞ്ച് നിർബന്ധം ആക്കരുതെന്ന് സംഘടനകൾ അഭിപ്രായപ്പെട്ടു. ചലഞ്ച് താല്പര്യമുള്ളവർക്കായി പരിമിതപ്പെടുത്തണമെന്നും സംഘടനകൾ ആവശ്യപ്പെട്ടു. ഗഡുക്കളായി നൽകാനും അവസരം നൽകണമെന്നും യോഗത്തില് നിർദ്ദേശമുയര്ന്നു. ഇത് സംബന്ധിച്ച് സർക്കാർ ഉടൻ ഉത്തരവ് ഇറക്കും.
