തിരുവനന്തപുരം : പാലക്കാട് ഡിവിഷന് വിഭജനത്തിൽ കേരളത്തിൻ്റെ പ്രതിഷേധം സജീവമായി നിലനിൽക്കെ തന്നെ തിരുവനന്തപുരം ഡിവിഷനും വിഭജിക്കാന് കേന്ദ്രനീക്കം. നാഗര്കോവില് കേന്ദ്രീകരിച്ച് പുതിയ റെയില്വെ ഡിവിഷന് രൂപീകരിക്കുന്നതിൻ്റെ ഭാഗമായാണ് തിരുവനന്തപുരം ഡിവിഷനെ മുറിക്കാനുള്ള നീക്കം. നാഗര്കോവില്, കന്യാകുമാരി എന്നീ പ്രധാന സ്റ്റേഷനുകള്ക്കൊപ്പം, നേമത്തിനും നാഗര്കോവിലിനും ഇടയിലുള്ള കേരളത്തിലെ റെയില്വെ സ്റ്റേഷനുകളും തിരുവനന്തപുരത്ത് നിന്ന് വിഭജിക്കാനാണ് ആലോചന.
തിരുവനന്തപുരം വിഭജിക്കാനുള്ള ചര്ച്ചകള്ക്ക് പിന്നില് തമിഴ്നാട്ടിലെ ചില രാഷ്ട്രീയ കക്ഷികളുടെ നിരന്തര സമ്മര്ദ്ദമുണ്ടെന്നാണ് റിപ്പോർട്ട്. നാഗര്കോവില് ജംഗ്ഷന്, നേമം, കന്യകുമാരി റെയില്വെ സ്റ്റേഷനുകള് തിരുവനന്തപുരം ഡിവിഷനില് നിന്ന് മാറ്റിയാല് വലിയ തിരിച്ചടിയാകും കേരളം നേരിടേണ്ടി വരിക. വിഭജനം കേരളത്തിന്റെ റെയില്വെ വികസന പദ്ധതികളെ തകര്ക്കും. വരുമാനത്തിലും വലിയ നഷ്ടമാണ് കേരളത്തിനെ കാത്തിരിക്കുന്നത്. പാലക്കാട് വിഭജനത്തിലും സമാന ആശങ്ക കേരളം അറിയിച്ചിരുന്നു. കന്യകുമാരി, നാഗർകോവിൽ എന്നീ സ്റ്റേഷനുകൾ തിരുവനന്തപുരം ഡിവിഷൻ്റെ പ്രധാന വരുമാന മാർഗ്ഗമാണ്.
