കൊച്ചി : ഉരുൾപൊട്ടൽ ദുരന്തത്തിൻ്റെ പശ്ചാത്തലത്തിൽ വയനാട്ടിൽ പുതുവത്സര തലേന്ന് നടത്താൻ നിശ്ചയിച്ച സൺബേൺ മ്യൂസിക് ഫെസ്റ്റിവലിൽ ആശങ്കയറിയിച്ച് ഹൈക്കോടതി. ബുധനാഴ്ച ഈ വിഷയം അഭിസംബോധന ചെയ്യവെ, ഒരു ദുരന്തത്തിൽ നിന്നും മറ്റൊരു ദുരന്തത്തിലേക്ക് കൂപ്പുകുത്തുകയാണെന്ന് കോടതി അഭിപ്രായപ്പെട്ടു.
സമഗ്രമായ റിപ്പോർട്ട് നൽകാൻ അഡ്വക്കേറ്റ് ജനറലിനോട് നിർദ്ദേശിച്ച കോടതി സംഭവത്തെക്കുറിച്ചുള്ള വിശദമായ വിവരങ്ങൾ ആരാഞ്ഞു. “ഞങ്ങൾക്ക് ഈ പ്രോഗ്രാമിൻ്റെ പൂർണ്ണമായ വിശദാംശങ്ങൾ ആവശ്യമാണ്, അനുമതി ലഭിച്ചിട്ടുണ്ടോ, ആരാണ് അനുമതി നൽകുന്ന ഈ കഥാപാത്രം, പ്രതീക്ഷിക്കുന്ന ജനക്കൂട്ടം എന്താണ്, അവർ എങ്ങനെയാണ് ട്രാഫിക് നിയന്ത്രിക്കാൻ പദ്ധതിയിടുന്നത്, പുതുവർഷത്തിലെ പ്രോഗ്രാം എന്നിവ.” കോടതി വ്യക്തമാക്കി
