സന: പടിഞ്ഞാറൻ തായ്സിലും തെക്കൻ അൽ-ഹുദൈദയിലും ഏകദേശം 2,600 കിലോമീറ്റർ വിസ്തൃതിയിൽ നടന്ന ദ്രുത ആക്രമണത്തിന് ശേഷം ഹൂത്തി സൈന്യം തന്ത്രപ്രധാനമായ തുറമുഖ നഗരമായ മോച്ച
യെമൻ സർക്കാരിൽ നിന്ന് പിടിച്ചെടുത്തു. ചെങ്കടൽ തീരത്ത് തങ്ങളുടെ സൈന്യം എത്തിയപ്പോൾ ഹൂത്തികൾ മോച്ചയ്ക്കും സൗദി അറേബ്യയ്ക്കും നേരെ ബാലിസ്റ്റിക് മിസൈലുകൾ പ്രയോഗിച്ചു. കീഴടങ്ങുന്ന എതിർ പോരാളികൾക്ക് മഹ്ദി അൽ-മഷാത്ത് പൊതുമാപ്പ് പ്രഖ്യാപിച്ചു.
മോച്ചയുടെ പതനം ഒരു പ്രധാന ഹൂത്തി വിരുദ്ധ സൈനിക, ലോജിസ്റ്റിക് കേന്ദ്രത്തെ ഇല്ലാതാക്കുകയും ലോകത്തിലെ ഏറ്റവും തന്ത്രപരമായ ഷിപ്പിംഗ് ചോക്ക് പോയിന്റുകളിൽ ഒന്നായ ബാബ് അൽ-മന്ദാബ് കടലിടുക്കിന് ഏകദേശം 60–75 കിലോമീറ്റർ വടക്ക് ഹൂത്തി കരസേനയെ വിന്യസിക്കുകയും ചെയ്തു. ഇതോടെ, ബാബ് അൽ-മന്ദേബ് കടലിടുക്കിന്മേൽ ഹൂതികൾക്ക് ഇനി കൂടുതൽ സ്വാധീനമുറപ്പിക്കാനാവും
തുടർന്ന് ഹാനിഷ് ദ്വീപുകളിൽ അവർ ആക്രമണം ആരംഭിച്ചു കഴിഞ്ഞു. യെമൻ സൈനിക വൃത്തങ്ങളെ ഉദ്ധരിച്ച് റോയിട്ടേഴ്സ് ആണ് ഇക്കാര്യം റിപ്പോർട്ട് ചെയ്തത്.
ചെങ്കടലിനെ ഏദൻ ഉൾക്കടലുമായും ഇന്ത്യൻ മഹാസമുദ്രവുമായും ബന്ധിപ്പിക്കുന്ന നിർണ്ണായക ജലപാതയാണ് ബാബ് അൽ-മന്ദേബ്. ഈ കടലിടുക്കിൽ നിന്ന് ഏകദേശം 80 കിലോമീറ്റർ അകലെയാണ് മോഖ നഗരം. മോഖ പിടിച്ചെടുത്തതിലൂടെ ബാബ് അൽ-മന്ദേബ് വഴിയുള്ള കപ്പൽ ഗതാഗതത്തെ ലക്ഷ്യമിടാൻ ഇനി ഹൂതികൾക്ക് അവസരമൊരുങ്ങും. ഹൂതികൾ മോഖയിൽ പ്രവേശിക്കുകയും കവലകളിൽ നിലയുറപ്പിക്കുകയും ചെയ്ത് കഴിഞ്ഞതായി വാർത്താ ഏജൻസിയായ എപി റിപ്പോർട്ട് ചെയ്തിട്ടുണ്ട്. 2014 ലാണ് യെമൻ തലസ്ഥാനം ഹൂതികൾ പിടിച്ചെടുത്തത്.
ജൂലൈയിൽ അറേബ്യക്ക് നേരെ ബാബ് അൽ-മന്ദേബ് കടലിടുക്കിൽ ഹൂതികൾ ഉപരോധം പ്രഖ്യാപിച്ചിരുന്നു. ലോകത്തിലെ ഏറ്റവും വലിയ എണ്ണ കയറ്റുമതിക്കാരായ സൗദി അറേബ്യ, ഹോർമുസ് കടലിടുക്ക് അടച്ചതിനെതിനെ തുടർന്ന് ചെങ്കടൽ പാതയാണ് ആശ്രയിക്കുന്നത്. കഴിഞ്ഞ ദിവസം സൗദിക്ക് നേരെയും ഹൂതികൾ ആക്രമണം നടത്തിയിരുന്നു. ഹൂതികളെ തുരത്താനും സർക്കാരിനെ പുന:സ്ഥാപിക്കാനുമായി സൗദിയും ഇടപെടൽ നടത്തുന്നുണ്ട്. 2022-ൽ യെമനിൽ യു.എൻ. മധ്യസ്ഥതയിൽ ഉണ്ടാക്കിയ വെടിനിർത്തൽ വർഷങ്ങളായി തുടർന്ന യുദ്ധം വലിയ തോതിൽ അവസാനിപ്പിച്ചെങ്കിലും ശാശ്വതമായ ഒരു പരിഹാരത്തിലേക്ക് എത്തിയിട്ടില്ല.
