കണ്ണൂർ : എസ്എഫ്ഐ അഖിലേന്ത്യാ ജോയിൻ്റ് സെക്രട്ടറി ഐഷി ഘോഷ് പങ്കെടുക്കേണ്ടിയിരുന്ന ഷീ ഫെസ്റ്റിന് വിലക്ക് ഏർപ്പെടുത്തി കണ്ണൂർ സർവ്വകലാശാല. യൂണിവേഴ്സിറ്റിയുടെ പാലയാട് ക്യാമ്പസ് യൂണിയൻ നടത്താൻ നിശ്ചയിച്ചിരുന്ന പരിപാടിക്കാണ് വൈസ്ചാൻസലർ അനുമതി നിഷേധിച്ചത്. ഡൽഹിയിലെ ജന്തർമന്ദർ സമരത്തിന് നേതൃത്വം നൽകിയ ഐഷി ഘോഷ് ആയിരുന്നു ഷീ ഫെസ്റ്റിൻ്റെ മുഖ്യാതിഥി.
പരിപാടി നടത്താൻ നിശ്ചയിച്ച സെമിനാർ ഹാൾ അനുവദിക്കില്ലെന്നാണ് ക്യാമ്പസ് ഡയറക്ടറുടെ അറിയിപ്പ്. വിസിയുടെയോ രജിസ്ട്രാറുടെയോ മുൻകൂർ അനുമതി വാങ്ങണമെന്നാണ് ക്യാമ്പസ് ഡയറക്ടർ സംഘാടകരോട് വ്യക്തമാക്കിയിട്ടുള്ളത്.
അതേസമയം, കണ്ണൂർ സർവ്വകലാശാല വിസിയുടെ നടപടിക്കെതിരെ എസ്എഫ്ഐ രംഗത്തെത്തി. വൈസ് ചാൻസലറുടെ തീരുമാനം മറികടന്ന് ഷീ ഫെസ്റ്റുമായി മുന്നോട്ട് പോകാനാണ് എസ്എഫ്ഐ നേതൃത്വം നൽകുന്ന പാലയാട് ക്യാമ്പസ് യൂണിയൻ്റെ തീരുമാനം.
