(Photo courtesy : X)
ലഖ്‌നൗ : ഉത്തർ പ്രദേശിലെ ഹാമിർപൂരിൽ നിർമ്മാണത്തിലിരുന്ന പാലം തകർന്ന് വീണ് ആറ് തൊഴിലാളികൾ മരിച്ചു. ഇന്നലെ രാത്രിയുണ്ടായ ശക്തമായ കൊടുങ്കാറ്റിൽ ബെത്വ നദിക്ക് കുറുകെ നിർമ്മാണം പുരോഗമിക്കുന്ന പാലമാണ് തകർന്ന് വീണത്. നിരവധി പേർ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായി സംശയിക്കുന്നു.
പ്രാദേശിക അധികാരികളും രക്ഷാപ്രവർത്തകരും സംഭവസ്ഥലത്ത് എത്തിയിട്ടുണ്ട്.
അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരെ രക്ഷിക്കുന്നതിനായി വൻതോതിലുള്ള രക്ഷാപ്രവർത്തനം പുരോഗമിക്കുകയാണ്. നിരവധി പേർ ഇപ്പോഴും കുടുങ്ങിക്കിടക്കുന്നതുകൊണ്ട് തന്നെ മരണസംഖ്യ ഉയരാൻ സാദ്ധ്യതയുണ്ട്.
