കൊല്ലം : മോഷണക്കേസിൽ ഇന്‍സ്റ്റഗ്രാം താരം പിടിയിലായി. കൊല്ലം ചിതറ ഭജനമഠം സ്വദേശി മുബീനയെയാണ് 17 പവന്‍ സ്വർണം മോഷ്ടിച്ചതിൻ്റെ പേരിൽ പോലീസ് അറസ്റ്റ് ചെയ്തത്.
മുബീനയുടെ ഭര്‍തൃസഹോദരി മുനീറയാണു പരാതിക്കാരി. മുനീറയുടെ 6 പവന്‍റെ താലിമാല, ഒരു പവന്‍റെ വള തുടങ്ങി 17 പവന്‍ ആഭരണങ്ങളാണു മുബീന മോഷ്ടിച്ചതെന്നു പൊലീസ് പറഞ്ഞു.
സെപ്റ്റംബര്‍ 30 ന് നടന്ന മോഷണ വിവരം ഒക്ടോബറിലാണു വീട്ടുകാര്‍ അറിയുന്നത്. സിസിടിവി പരിശോധിച്ചപ്പോൾ മുബീനയാണ് പ്രതിയെന്നു കണ്ടെത്തി. ആദ്യഘട്ട ചോദ്യം ചെയ്യലില്‍ മുബീന കുറ്റം സമ്മതിച്ചില്ല. പിന്നീട് ആഡംബര ജീവിതത്തിനായി മോഷ്ടിച്ചതാണെന്നു സമ്മതിച്ചു. സ്വര്‍ണം കണ്ടെത്താനുണ്ടെന്നു പൊലീസ് അറിയിച്ചു.
