Sunday, November 22, 2026

കേരളത്തിൽ വിദ്യാഭ്യാസമുള്ള യുവാക്കൾ ജാതി വിവാഹസൈറ്റുകൾ ഉപയോഗിക്കുന്നത് വിരോധാഭാസം : എം.എ. ബേബി

Date:

കോഴിക്കോട് : ജാതിയില്ലാ വിളംബരം നടന്ന കേരളത്തിൽ ഇന്ന് വിദ്യാഭ്യാസമുള്ള യുവാക്കൾ ജാതിതിരിച്ചുള്ള മാട്രിമോണി സൈറ്റുകൾ ഉപയോഗിക്കുന്നത് വിരോധാഭാസമാണെന്ന് സി.പി.എം. ജനറൽ സെക്രട്ടറി എം.എ. ബേബി. കേരള സാഹിത്യ അക്കാദമിയുടെ സമഗ്രസംഭാവനയ്ക്കുള്ള അവാർഡ് നേടിയ കെ.ഇ.എൻ. കുഞ്ഞഹമ്മദിനെ ആദരിക്കുന്ന സാംസ്‌കാരികോത്സവം ഉദ്ഘാടനം ചെയ്ത് സംസാരിയ്ക്കുകയായിരുന്നു എം എ ബേബി.

വാക്കും പ്രവൃത്തിയും പൊരുത്തപ്പെടുന്ന കാര്യത്തിൽ കെ.ഇ.എന്നിനുള്ള നിഷ്ഠ അദ്ദേഹത്തെ വ്യത്യസ്തനാക്കുന്നൂവെന്നും ബേബി അഭിപ്രായപ്പെട്ടു. കാലിക്കറ്റ് സർവ്വകലാശാലാ ഇ.എം.എസ്. ചെയർ ഫോർ മാർക്‌സിയൻ സ്റ്റഡീസ് ആൻഡ് റിസർച്ചാണ് രണ്ട് ദിവസത്തെ പരിപാടി സംഘടിപ്പിച്ചത്.

എഴുത്തുകാരൻ അശോകൻ ചരുവിൽ മുഖ്യപ്രഭാഷണം നടത്തി. ഡോ. കെ.എം. അനിൽ, പി. അശോകൻ, സിൻഡിക്കേറ്റംഗങ്ങളായ കാവുമ്പായി ബാലകൃഷ്ണൻ, ഡോ. ടി. വസുമതി, സെനറ്റംഗം വി.എസ്. നിഖിൽ, എൻ.പി. ജംഷീർ, ടി.വി. അമർ ദേവ് എന്നിവർ സംസാരിച്ചു.
തുടർന്ന് വി.ഐ. ലെനിനിന്റെ ദാർശനിക്കുറിപ്പുകൾ എന്ന പുസ്തകം എം.എ. ബേബി പ്രകാശനംചെയ്തു. വൈകീട്ട് അഭീഷ് ശശിധരൻ ആവിഷ്‌കരിച്ച നാടകാവതരണവും ഉണ്ടായി. പരിപാടി വ്യാഴാഴ്ച അവസാനിക്കും.

LEAVE A REPLY

Please enter your comment!
Please enter your name here

Share post:

Popular

More like this
Related

മോട്ടോർ ഇൻഷുറൻസ് നിയമം മാറുന്നു, ഡിസംബർ 15 മുതൽ

ന്യൂഡൽഹി : വാഹന ഇൻഷുറൻസ് നിയമങ്ങളിൽ മാറ്റങ്ങൾ വരുന്നു. ഡിസംബർ 15ന്...

കെ എം ഷാജിയുടെ വിവാദ പ്രാഗ് യാത്ര കേന്ദ്രാനുമതി തേടാതെയെന്ന് റിപ്പോർട്ട്

തിരുവനന്തപുരം : സംസ്ഥാന തദ്ദേശ വകുപ്പ് മന്ത്രി കെ എം ഷാജിയുടെ...

മണിപ്പൂരിൽ വിഷമദ്യ ദുരന്തം: 18 മരണം, 250-ൽ അധികം പേർ  ആശുപത്രിയിൽ, അന്വേഷണം പ്രഖ്യാപിച്ച് സർക്കാർ

ഇംഫാല്‍ : മണിപ്പൂരിലെ ചന്ദേല്‍ ജില്ലയിലുണ്ടായ വ്യാജ വിഷമദ്യ ദുരന്തത്തിൽ 18...