Friday, November 20, 2026

വെര്‍ച്വല്‍ ക്യൂവിൽ കൂട്ട ബുക്കിംഗും ക്യാന്‍സലേഷനും; കണ്ടെത്താൻ സൈബര്‍ ഫോറന്‍സിക് സഹായം തേടി ദേവസ്വം ബോര്‍ഡ്

Date:

തിരുവനന്തപുരം : ശബരിമല വെര്‍ച്വല്‍ ക്യൂവിൽ കൂട്ടത്തോടെയുള്ള ബുക്കിംഗും ക്യാന്‍സലേഷനും നടക്കുന്നത് കണ്ടെത്താൻ സൈബര്‍ ഫോറന്‍സിക്കിൻ്റെ സഹായം തേടി തിരുവിതാംകൂര്‍ ദേവസ്വം ബോര്‍ഡ്. കൂട്ടത്തോടെ വിര്‍ച്വല്‍ ബുക്കിങ് നടത്തുന്നവരുടെ ഐപി അഡ്രസ് കണ്ടെത്തുകയാണ് ലക്ഷ്യം. വിപിഎന്‍ ഉപയോഗിച്ചും ബോട്ടുകള്‍ ഉപയോഗിച്ചും ബുക്കിങ് നടത്തുന്നുണ്ടോയെന്നും പരിശോധിക്കും.

ബുക്ക് ചെയ്ത 26,000 ഓളം പേരാണ് ഇന്നലെ വരാതിരുന്നത്. ബുക്കിങിന് വെബ്‌സൈറ്റ് ഓപ്പണ്‍ ചെയ്താല്‍ നിമിഷങ്ങള്‍ക്കകം ഫുള്‍ ആകുന്നു എന്നതിലാണ് ദേവസ്വം ബോര്‍ഡ് സംശയം ഉന്നയിക്കുന്നത്. ഇതിനു പിന്നില്‍ എന്തെങ്കിലും ആസൂത്രിത നീക്കമുണ്ടോയെന്നാണ് പരിശോധിക്കുക. മുമ്പ് നടന്ന ബുക്കിങ് അടക്കം വിശദമായി പരിശോധിക്കാനാണ് തീരുമാനം.

കൂട്ടത്തോടെ ബുക്ക് ചെയ്യുന്നത് ശ്രദ്ധയില്‍പ്പെട്ടെന്നും, ഇക്കാര്യം വിശദമായി പരിശോധിക്കുമെന്നും തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് കെ ജയകുമാര്‍ പറഞ്ഞു. ശബരിമലയില്‍ വരണമെന്ന് ആഗ്രഹിക്കുന്ന യഥാര്‍ത്ഥ ഭക്തര്‍ക്ക് സൈറ്റ് പെട്ടെന്ന് ഫുള്‍ ആകുന്നത് ബുദ്ധിമുട്ട് സൃഷ്ടിക്കുന്നുമുണ്ട്. ഇത്തവണ വെര്‍ച്വല്‍ ക്യൂ ബുക്കിങ് എല്ലാ ദിവസവും ഫുള്‍ ആയിട്ടും ദിവസവും പതിനായിരക്കണക്കിന് ആളുകളാണ് വരാതിരിക്കുന്നതെന്നാണ് റിപ്പോര്‍ട്ടുകള്‍.

അതേസമയം, ശബരിമല വെര്‍ച്വല്‍ ക്യൂ ബുക്കിങ്ങില്‍ 5000 കൂടി വര്‍ദ്ധിപ്പിക്കാന്‍ തീരുമാനിച്ചതായി ദേവസ്വം ബോര്‍ഡ് പ്രസിഡന്റ് അറിയിച്ചതായി ദേവസ്വം മന്ത്രി കെ മുരളീധരൻ പറ‍ഞ്ഞു. വെര്‍ച്വല്‍ ക്യൂ ബുക്കിങ്ങിന് അനുസരിച്ച് ഭക്തന്മാരുടെ വരവ് കുറഞ്ഞിട്ടുണ്ട്. ശരിക്ക് വരണമെന്ന് ആഗ്രഹിക്കുന്നവര്‍ക്ക് ബുക്കിങ് ഫുള്‍ ആയതിനാല്‍ വരാന്‍ കഴിയാത്ത സ്ഥിതിയുണ്ട്. ഇതു ശ്രദ്ധയില്‍പ്പെട്ടതിനെത്തുടര്‍ന്ന് വെര്‍ച്വല്‍ ക്യൂവില്‍ 5000 പേരെ കൂടി കൂടുതലായി ഉള്‍പ്പെടുത്താനാണ് തീരുമാനം. ഇതിന് കോടതിയുടെ അനുമതി തേടിയിട്ടുണ്ടെന്നും മന്ത്രി കെ മുരളീധരന്‍ പറഞ്ഞു.

Share post:

Popular

More like this
Related

‘ക്ഷോഭം അരുത്!’ ; ഗുരുവായൂർ ക്ഷേത്ര ജീവനക്കാർ ഭക്തരോട് മാന്യതയോടെ പെരുമാറണമെന്ന് ഹൈക്കോടതി

കൊച്ചി: ഗുരുവായൂർ ക്ഷേത്രത്തിലെത്തുന്ന ഭക്തരോട് ദേവസ്വം ജീവനക്കാർ മാന്യമായും ആദരവോടെയും പെരുമാറണമെന്ന്...

വിഇഎച്ച് ഗ്ലോബലില്‍ നിന്ന്  വാങ്ങിയ വൈദ്യുതി വില 12.55 രൂപ! ; റെഗുലേറ്ററി കമ്മീഷന് നല്‍കിയ മറുപടിയിലാണ് കെഎസ്ഇബിയുടെ വിശദീകരണം

തിരുവനന്തപുരം : വിഇഎച്ച് ഗ്ലോബലില്‍ നിന്ന് വൈദ്യുതി വാങ്ങിയത് യൂണിറ്റിന് പതിനൊന്ന്...

താജ്മഹലും നിസാമുദ്ദീന്‍ ദര്‍ഗയും കാണണമെന്ന് മോഹം; പാക് മന്ത്രിക്ക് അനുമതി നിഷേധിച്ച് കേന്ദ്രം

ന്യൂഡല്‍ഹി : താജ്മഹലും നിസാമുദ്ദീന്‍ ദര്‍ഗയും കാണണമെന്ന് ആഗ്രഹം പ്രകടിപ്പിച്ച പാക്കിസ്ഥാൻ...

അവഗണന; ബിജെപിയില്‍ നിന്ന് പത്മിനി തോമസും പടിയിറങ്ങി, തിരികെ കോണ്‍ഗ്രസിലേക്ക്

തിരുവനന്തപുരം : പത്മജ വേണുഗോപാലിന് പിന്നാലെ ഏഷ്യന്‍ ഗെയിംസ് മെഡല്‍ജേത്രിയും കേരള...