ഇടുക്കി : ജില്ലയിലെ മലയോര മേഖലയില് കനത്ത മഴയെ തുടർന്ന് മണ്ണിടിച്ചിൽ സാദ്ധ്യത മുന്നിൽ കണ്ട് ഗതാഗതത്തിന് നിയന്ത്രണം.
ദേശീയ പാത 85-ല് നേര്യമംഗലം മുതല് അടിമാലി വരെ ഗതാഗതം പൂര്ണ്ണമായും നിരോധിച്ചതായി ദുരന്ത നിവാരണ വിഭാഗം അറിയിച്ചു. ഇതു സംബന്ധിച്ച് പോലീസിന് അടിയന്തര നിര്ദ്ദേശം നല്കിയിട്ടുണ്ട്.
പൊതുജനങ്ങള് ഈ ഭാഗത്തു കൂടിയുള്ള യാത്ര ഒഴിവാക്കണമെന്ന് അധികൃതർ അറിയിച്ചു. ഏതാണ്ട് 30 കിലോമീറ്റർ ഭാഗത്താണ് ഗതാഗത നിരോധനം.
ജില്ലയിൽ വിനോദസഞ്ചാര പ്രവര്ത്തനങ്ങൾ നിരോധിച്ചുകൊണ്ട് ശനിയാഴ്ച തന്നെ ജില്ലാ കളക്ടർ ഉത്തരവിട്ടിരുന്നു. ഇനിയൊരു ഉത്തരവ് ഉണ്ടാകുന്നതു വരെ നിരോധനം തുടരുമെന്ന് ജില്ലാ കളക്ടർ അറിയിച്ചു.
