കൊച്ചി: ചേരാനല്ലൂര്‍ വാഹനാപകടവുമായി ബന്ധപ്പെട്ട് 17 കാരൻ്റെ പിതാവും വാഹന ഉടമയുമായ ജഡ്ജിയുടെ ഫ്‌ളാറ്റില്‍ പരിശോധന നടത്തി പോലീസ്. ഹൈക്കോടതി നിര്‍ദ്ദേശ പ്രകാരമാണ് പരിശോധന. സിസിടിവി ദൃശ്യങ്ങൾ അടക്കം ശേഖരിച്ച പോലീസ്, ഇതിൻ്റെ അടിസ്ഥാനത്തില്‍ പ്രതി വാഹനം എടുത്ത സമയവും കൃത്യമായി പരിശോധിക്കും.
കേസിൽ ജഡ്ജിക്കും മകനുമെതിരെ നടപടി സ്വീകരിക്കണമെന്ന് കുടുംബം ആവശ്യപ്പെട്ടിരുന്നു. എന്നാൽ, ജഡ്ജിക്കെതിരെ നടപടി എടുക്കേണ്ടത് ഹൈക്കോടതി ആണെന്ന് പോലീസ് കുടുംബത്തെ ബോദ്ധ്യപ്പെടുത്തി. തുടർന്ന് ജഡ്ജിക്കെതിരെ നടപടി ആവശ്യപ്പെട്ട് കുടുംബം ഹൈക്കോടതിയെ സമീപിക്കാനൊരുങ്ങുകയാണ്. ഇതിൻ്റെ ഭാഗമായി കുടുംബത്തിൻ്റെ അഭിഭാഷകനും പോലീസുമായി ചർച്ച നടത്തി. നിലവിലെ പോലീസ് നടപടിയില്‍ തൃപ്തരാണെന്നും ചേരാനെല്ലൂരിലെ ജയബാലകൃഷ്ണന്റെ കുടുംബം വ്യക്തമാക്കി.
