തിരുവനന്തപുരം: സർക്കാർ സംഘടിപ്പിക്കുന്ന ആഗോള അയ്യപ്പ സംഗമവുമായി സഹകരിക്കുമെന്ന് അറിയിച്ച് എൻഎസ്എസ്. ആചാര ലംഘനമുണ്ടാകില്ലെന്ന് ദേവസ്വം മന്ത്രി ഉറപ്പ് നൽകിയെന്ന് എൻഎസ്എസ് വൈസ് പ്രസിഡണ്ട് എൻ സംഗീത് കുമാർ വ്യക്തമാക്കി.
അതേസമയം,സംഗമത്തെ എതിർക്കുമെന്നാണ് ബിജെപി പ്രഖ്യാപിച്ചിട്ടുള്ളത്. പരിപാടിയുമായി സഹകരിക്കില്ലെന്ന് വിഡി സതീശനും പ്രതികരിച്ചു. സംഘപരിവാറിന്‍റെ താൽപര്യങ്ങൾ സംരക്ഷിക്കാനും ഭൂരിപക്ഷ വർഗീയത വളർത്താനുമാണ് അയ്യപ്പ സംഗമം നടത്തുന്നതെന്നാണ് പ്രതിപക്ഷ നേതാവിൻ്റെ വിമര്‍ശനം. സംഘാടക സമിതിയിൽ തന്‍റെ പേരും വെച്ചിട്ടുണ്ടെങ്കിലും അത് അനുവാദമില്ലാതെയാണെന്നും വിഡി സതീശൻ പറയുന്നു. .
