Tuesday, November 17, 2026

മുഖ്യമന്ത്രിയോട് വിയോജിച്ച് മന്ത്രിമാർ; ഗുരുവായൂർ ദേവസ്വം അംഗങ്ങളുടെ പട്ടികയിൽ മുഖ്യമന്ത്രിയുടെ കൈകടത്തലിൽ അതൃപ്‌തി

Date:

തിരുവനന്തപുരം : ഗുരുവായൂർ ദേവസ്വം ബോർഡിലേക്കുള്ള അംഗങ്ങളുടെ നിയമനത്തിൽ മുഖ്യമന്ത്രിയോട് വിയോജിച്ച് മന്ത്രിമാർ. മതിയായ കൂടിയാലോചനയില്ലാതെ മുഖ്യമന്ത്രി വിഡി സതീശൻ നിർദ്ദേശിച്ച പട്ടിക അംഗീകരിക്കാൻ മന്ത്രിമാർ തയ്യാറായില്ലെന്നാണ് വിവരം.
മൂന്നംഗങ്ങളെ നിയമിക്കുന്നതിൽ മുഖ്യമന്ത്രിയുടെ ഓഫീസാണ് പട്ടിക തയ്യാറാക്കിയതെന്നറിയുന്നു.

ഗുരുവായൂർ ദേവസ്വം ബോർഡ് നിയമപ്രകാരം മന്ത്രിസഭയിലെ ഹിന്ദുമന്ത്രിമാരാണ് അംഗങ്ങളെ നിശ്ചയിക്കേണ്ടത്. മുഖ്യമന്ത്രിയുടെ ഓഫീസ് തയ്യാറാക്കുന്ന പട്ടിക ഹിന്ദു മന്ത്രിമാർ അംഗീകരിക്കുന്നതാണ് രീതി. മുഖ്യമന്ത്രിയടക്കം ഒൻപത് പേരാണ് ഹിന്ദുവിഭാഗത്തിലുള്ളത്. ഇവരിൽ കെ.എ. തുളസി മാത്രമാണ് ഒപ്പിട്ടത്. മറ്റ് മന്ത്രിമാർ ഫയൽ പിടിച്ചുവെച്ചിരിക്കുകയാണെന്ന വിവരം തുളസി അറിയുന്നത് പിന്നീടാണ്.

രണ്ടംഗങ്ങൾ പൊതുവിഭാഗത്തിൽ നിന്നും ഒരാൾ ജീവനക്കാരുടെ പ്രതിനിധിയായുമാണ് വരേണ്ടത്. ഇതനുസരിച്ച് പാലക്കാട് ഡി.സി.സി. മുൻ പ്രസിഡന്റ് സി.വി. ബാലചന്ദ്രനടക്കം രണ്ടു കോൺഗ്രസുകാരും ഒരു ജീവനക്കാരനും ഉൾപ്പെട്ട പട്ടിക മുഖ്യമന്ത്രിയുടെ ഓഫീസ് തയ്യാറാക്കി. ഈ പേരുകൾ സംബന്ധിച്ച് പാർട്ടിയിലോ, മന്ത്രിമാരുമായോ ചർച്ച നടത്തിയില്ലെന്നതാണ് പരാതി.

പൊതുവിഭാഗത്തിൽനിന്നുള്ള രണ്ടുപേരും നായർ സമുദായത്തിൽ നിന്നുള്ളവരാണ്. ജീവനക്കാരുടെ പ്രതിനിധി ഈഴവവിഭാഗത്തിൽനിന്നും. പൊതുവിഭാഗത്തിൽനിന്നുതന്നെ ഈഴവ പ്രാതിനിധ്യം ഉറപ്പാക്കണമെന്ന ആവശ്യവും ചില മന്ത്രിമാർ ഉന്നയിച്ചിട്ടുണ്ട്. പിണറായി സർക്കാരിന്റെ അവസാനകാലത്ത് ചെയർമാനടക്കം രണ്ടുപേരെ നിയമിച്ചിരുന്നു. ചെയർമാൻ എ.വി. ഗോപിനാഥടക്കം  ഇവർക്ക് ഒരു വർഷത്തിലേറെ കാലാവധിയുണ്ട്.

ദേവസ്വം ബോർഡുകളിൽ ചെയർമാനും അംഗങ്ങളുമാകാൻ കോൺഗ്രസ് നേതൃത്വം നേതാക്കളിൽ നിന്നുള്ള വലിയ സമ്മർദം നേരിടുന്നുണ്ട്. ഇതിനായുള്ള ഒരു സമ്മർദ്ദ തന്ത്രമായും മന്ത്രിമാരുടെ നീക്കത്തെ വിലയിരുത്തുന്നുണ്ട്. ഫയലുകളിൽ ഇത്രദിവസത്തിനകം മന്ത്രിമാർ ഒപ്പിടണമെന്ന് നിബന്ധനയില്ലാത്തതുകൊണ്ട് തന്നെ മുഖ്യമന്ത്രി കാര്യം വിശദീകരിച്ചാൽ മന്ത്രിമാർ  ശുപാർശ അംഗീകരിച്ചെന്നുവരാം. ഒപ്പം,
ബോർഡ്, കോർപ്പറേഷൻ നിയമനങ്ങളിൽ തങ്ങളുടെതായ പ്രാതിനിധ്യം ഉറപ്പിക്കാനുള്ള വഴിയൊരുക്കലും നടത്താം.

Share post:

Popular

More like this
Related

യുഎസ് രാസായുധ ഭീഷണിയിൽ! ; ആക്രമണത്തിന് ഇറാൻ ഒരുങ്ങുന്നുവെന്ന് അമേരിക്കൻ രഹസ്യാന്വേഷണ ഏജൻസികൾ

വാഷിംഗ്ടൺ : യുഎസ് രാസായുധ ഭീഷണി നേരിടുന്നതായി മുന്നറിയിപ്പ്. അമേരിക്കൻ രഹസ്യാന്വേഷണ...

മാനവീയം വീഥിയിലെ വിലക്ക്; തിരുവനന്തപുരം കോര്‍പ്പറേഷനില്‍ സെക്രട്ടറിയെ ഉപരോധിച്ച് സാംസ്‌ക്കാരിക പ്രവര്‍ത്തകര്‍

തിരുവനന്തപുരം : മാനവീയം വീഥിയുടെ രജതജൂബിലിയുമായി ബന്ധപ്പെട്ട് ഗായിക പുഷ്പവതിയുടെ ഗാനപരിപാടിക്ക്...

ശബരിമല മണ്ഡലമഹോത്സവം : മുന്നൊരുക്കങ്ങൾ പൂർത്തിയായതായി ദേവസ്വം വകുപ്പ് മന്ത്രി

പത്തനംതിട്ട : ശബരിമലയിൽ മണ്ഡലക്കാലത്തെ മുന്നൊരുക്കങ്ങൾ പൂർത്തിയാക്കിയതായി ദേവസ്വം വകുപ്പ് മന്ത്രി...