ന്യൂഡൽഹി : ട്രെയിൻ യാത്രയിൽ മൊബൈൽ ഫോൺ, പവർ ബാങ്ക്, ലാപ് ടോപ്പ് ഉൾപ്പെടെയുള്ളവയുടെ ചാർജിങ് സമയത്തിൽ കർശന നിയന്ത്രണവുമായി ഇന്ത്യൻ റെയിൽവെ. രാത്രി 11 മണി മുതൽ പുലർച്ചെ അഞ്ചുമണിവരെ മൊബൈൽ ചാർജിങ് പോയിന്റുകളിലേക്കുള്ള വൈദ്യുതി വിച്ഛേദിക്കും. ഇതുസംബന്ധിച്ച് പഎല്ലാ സോണുകൾക്കും റെയിൽവെ ബോർഡ് നിർദ്ദേശം നൽകിക്കഴിഞ്ഞു.
സൗത്ത് ഈസ്റ്റേൺ റെയിൽവെയിൽ അടുത്തിടെയുണ്ടായ ഒരു സംഭവത്തെത്തുടർന്നാണ് നടപടി. മുംബൈ ലോക്കൽ ട്രെയിനിൽ യാത്രക്കാരൻ പവർ ബാങ്ക് ചാർജ് ചെയ്യുന്നതിനിടെ പൊട്ടിത്തെറിക്കുകയും കോച്ച് മുഴുവൻ കനത്ത പുക നിറയുകയും ചെയ്തിരുന്നു
