‘മോഹൻലാൽ ഓരോ മലയാളിയുടെയും അഭിമാനം’ – മുഖ്യമന്ത്രി ; ആദരിച്ച് സംസ്ഥാന സർക്കാർ

തിരുവനന്തപുരം : ഇന്ത്യൻ സിനിമയിലെ പരമോന്നത ബഹുമതിയായദാദാസാഹേബ് ഫാൽക്കെ അവാർഡ് നേടിയ മലയാളത്തിൻ്റെ പ്രിയ താരം മോഹൻലാലിനെ സംസ്ഥാന സർക്കാർ ആദരിച്ച് സംസ്ഥാന സർക്കാർ. മോഹൻലാൽ ഓരോ മലയാളിയുടെയും അഭിമാനമാണെന്ന് മുഖ്യമന്ത്രി പിണറായി വിജയൻ അഭിനന്ദന യോഗത്തിൽ പറഞ്ഞു. ഇന്ത്യൻ സിനിമയ്ക്ക് അദ്ദേഹം നൽകിയ സംഭാവനകളെയും അദ്ദേഹത്തിൻ്റെ വൈവിദ്ധ്യഎക്സ്പ്രസ്മാർന്ന അഭിനയത്തെയും പ്രശംസിച്ചു.

1999-ലെ കാൻ ചലച്ചിത്രമേളയിൽ പ്രദർശിപ്പിച്ച മോഹൻലാലിൻ്റെ ശ്രദ്ധേയമായ ‘വാനപ്രസ്ഥം’ എന്ന സിനിമയിലെ പ്രകടനം അദ്ദേഹം ഉദ്ധരിച്ചു. വൈവിദ്ധ്യമാർന്ന കഥാപാത്രങ്ങളെ അനായാസം അവതരിപ്പിക്കാൻ നടന് കഴിഞ്ഞതിൽ തനിക്ക് അതിശയം തോന്നിയെന്നും മുഖ്യമന്ത്രി പറഞ്ഞു. “1986-ൽ മാത്രം അദ്ദേഹം 34 സിനിമകളിൽ അഭിനയിച്ചു, എന്നാൽ ഇന്ന് അഭിനേതാക്കൾ വർഷത്തിൽ രണ്ടോ മൂന്നോ സിനിമകൾ മാത്രമാണ് ചെയ്യുന്നത്.” മുഖ്യമന്ത്രി പറഞ്ഞു.
മലയാള സിനിമ അതിൻ്റെ നൂറാം വാർഷികത്തിലേക്ക് അടുക്കുമ്പോൾ അദ്ദേഹത്തിന് കൂടുതൽ നേട്ടങ്ങൾ കൈവരിക്കാൻ കഴിയട്ടെ എന്നും മുഖ്യമന്ത്രി ആശംസിച്ചു. തിരുവനന്തപുരം സെൻട്രൽ സ്റ്റേഡിയത്തിൽ നടന്ന ചടങ്ങിൽ എ രാമചന്ദ്രൻ വരച്ച ചിത്രവും ഉപഹാരവും പ്രശസ്തിപത്രവും മുഖ്യമന്ത്രി പിണറായി വിജയൻ
മോഹൻലാലിന് സമ്മാനിച്ചു.

സ്വന്തം നാട്ടിൽ ലഭിച്ച ഈ ആദരവ് ന്യൂഡൽഹിയിലെ അവാർഡ് ദാന ചടങ്ങിനേക്കാൾ വൈകാരികമാണെന്ന് നന്ദി പ്രകടിപ്പിച്ചുകൊണ്ട് മോഹൻലാൽ പറഞ്ഞു.

“ഇത് ഞാൻ ജനിച്ചു വളർന്ന നാടാണ്. ഇവിടുത്തെ വായുവും കെട്ടിടങ്ങളും ഓർമ്മകളും എൻ്റെ ആത്മാവിൻ്റെ ഭാഗമാണ്. അത്തരം വികാരങ്ങൾ അഭിനയിച്ച് കാണിക്കാൻ കഴിയില്ല,” മോഹൻലാൽ പറഞ്ഞു. തൻ്റെ ആദ്യകാല യാത്ര ഓർമ്മിച്ചുകൊണ്ട്, സുഹൃത്തുക്കളോടൊപ്പം സംവിധായകൻ ഫാസിലിനൊപ്പം പ്രവർത്തിക്കാൻ ചെന്നൈയിലേക്ക് പോയതിനെക്കുറിച്ച് മോഹൻലാൽ സംസാരിച്ചു. പതിറ്റാണ്ടുകളായി സമൂഹത്തിലുണ്ടായ മാറ്റങ്ങൾക്ക് സാക്ഷ്യം വഹിക്കാൻ സിനിമ തനിക്ക് അവസരം നൽകിയെന്നും അദ്ദേഹം കൂട്ടിച്ചേർത്തു.

ഒരു നടൻ സംവിധായകർ, എഴുത്തുകാർ, കാമറാമാൻമാർ എന്നിവർ ചേർന്ന് രൂപപ്പെടുത്തുന്ന കളിമണ്ണ് പോലെയാണ്. ഞാൻ വിജയത്തെയും വിമർശനത്തെയും ഒരുപോലെ നേരിട്ടിട്ടുണ്ട്,” അദ്ദേഹം കൂട്ടിച്ചേർത്തു. “പ്രേക്ഷകരില്ലാതെ ഒന്നും നേടാനാവില്ല. ഈ അംഗീകാരം അവർക്ക് അവകാശപ്പെട്ടതാണ്. ഒപ്പം തൻ്റെ കുടുംബത്തിൻ്റെയും സുഹൃത്തുക്കളുടെയും പിന്തുണയ്ക്ക് നന്ദി.” – വാക്കുകൾ ഉപസംഹരിച്ചു കൊണ്ട് മോഹൻലാൽ പറഞ്ഞു.

മന്ത്രിമാരായ വി. ശിവൻകുട്ടി, സജി ചെറിയാൻ, കെ.എൻ. ബാലഗോപാൽ, ജി.ആർ. അനിൽ, 2004-ൽ ദാദാസാഹേബ് ഫാൽക്കെ അവാർഡ് നേടിയ പ്രശസ്ത ചലച്ചിത്രകാരൻ അടൂർ ഗോപാലകൃഷ്ണൻ, നടിമാരായ അംബിക, രഞ്ജിനി, മാളവിക, സംവിധായകൻ ജോഷി, സി.പി.ഐ (എം) സംസ്ഥാന സെക്രട്ടറി എം.വി. ഗോവിന്ദൻ, എം.പി. എ.എ. റഹീം എന്നിവർ ചടങ്ങിൽ പങ്കെടുത്തു