(Photo Courtesy : AP)
ന്യൂഡൽഹി : റഷ്യൻ പ്രസിഡന്റ് വ്‌ളാഡിമിർ പുടിൻ ഈ വർഷം അവസാനം ഇന്ത്യ സന്ദർശിക്കും. സന്ദർശന തീയതികൾ നിലവിൽ അന്തിമമാക്കിയിട്ടുണ്ടെന്ന് ദേശീയ സുരക്ഷാ ഉപദേഷ്ടാവ് അജിത് ഡോവൽ വ്യാഴാഴ്ച മോസ്കോ സന്ദർശന വേളയിൽ പറഞ്ഞു. റഷ്യൻ സുരക്ഷാ കൗൺസിൽ സെക്രട്ടറി സെർജി ഷോയിഗുവുമായുള്ള ചർച്ചയിൽ, സന്ദർശനം ശരിയായ ദിശയിലാണെന്ന് ഡോവൽ സ്ഥിരീകരിച്ചു.
കഴിഞ്ഞ ഇന്ത്യ-റഷ്യ ഉച്ചകോടികളെ ഉഭയകക്ഷി ബന്ധത്തിലെ നിർണ്ണായക നിമിഷങ്ങൾ എന്ന് വിശേഷിപ്പിച്ച ഡോവൽ വരാനിരിക്കുന്ന ഇന്ത്യയിലെ കുടിക്കാഴ്ചയുടെ പ്രാധാന്യവും എടുത്തുകാട്ടി. ഇന്ത്യ-റഷ്യ എണ്ണ വ്യാപാര കരാറിൽ നിന്ന് പിന്മാറാൻ ആവശ്യപ്പെട്ട് അമേരിക്ക ഇന്ത്യയ്ക്ക് മേൽ ചുമത്തുന്ന താരിഫ് ഭീഷണികൾക്കിടെയാണ് പുടിൻ്റെ ഇന്ത്യാ സന്ദർശനം.
