തിരുവനന്തപുരം: പെന്ഷന് പ്രായം 60 ആയി ഇയര്ത്തണമെന്ന ഭരണ പരിഷ്കരണ കമ്മിഷന് ശുപാര്ശ ചൊവ്വാഴ്ച ചേര്ന്ന മന്ത്രിസഭാ യോഗം തള്ളി. നാലാം ഭരണപരിഷ്ക്കാര കമ്മീഷന്റെ ശുപാര്ശകള് പരിശോധിക്കാന് നിയോഗിച്ച ചീഫ് സെക്രട്ടറി അദ്ധ്യക്ഷയായ സെക്രട്ടറിതല സമിതിയുടെ ശുപാര്ശകള് ഭേദഗതികളോടെ മന്ത്രിസഭായോഗം അംഗീകരിക്കുകയായിരുന്നു.
ഇന്ന് ചേർന്ന മന്ത്രിസഭാ യോഗത്തിലെ മറ്റു തീരുമാനങ്ങൾ ഇങ്ങനെ – കെ.എസ്.ആര്, കെ.എസ് ആന്ഡ് എസ്.എസ്.ആര്, കണ്ടക്ട് റൂള്സ് എന്നിവ സംയോജിപ്പിച്ച് കേരള സിവില് സര്വീസ് കോഡ് രൂപവത്കരിക്കും. ഇതിനായി ഉദ്യോഗസ്ഥ ഭരണപരിഷ്ക്കാര . ഇതിനായി ഉദ്യോഗസ്ഥ ഭരണപരിഷ്ക്കാര വകുപ്പിനെ ചുമതലപ്പെടുത്തി. സബോഡിനേറ്റ് സര്വീസിലും സ്റ്റേറ്റ് സര്വീസിലും പ്രൊബേഷന് ഒരു തവണ മാത്രമാകും. എല്ലാ വകുപ്പുകളും രണ്ട് വര്ഷത്തിനകം വിശേഷാല് ചട്ടങ്ങള് രൂപവത്കരിക്കുന്നതിന് നിര്ദ്ദേശം നല്കും. പ്രത്യേക ലക്ഷ്യത്തോടുകൂടി സൃഷ്ടിക്കപ്പെടുന്ന തസ്തികകള് ലക്ഷ്യം പൂര്ത്തിയായാല് അവസാനിപ്പിക്കും. പ്രസ്തുത വകുപ്പിലെ ജീവനക്കാരെ ആവശ്യമായ മറ്റ് വകുപ്പുകളിലേക്ക് പുനര്വിന്യസിക്കും
